LATEST NEWS
ரூ.1 லட்சம் போனுக்கு இப்படியொரு ஸ்கெட்சா..? பைக்கிலிருந்து விழுவது போல் நடித்து நடுரோட்டில் அரங்கேறிய பகீர் திருட்டு… வைரலாகும் பகீர் வீடியோ…!!
ஹைதராபாத்தின் சரூர் நகரில் வழிப்போக்கரின் கவனத்தைத் திருப்பி, ₹1 லட்சம் மதிப்பிலான ஸ்மார்ட்போனைத் திருடிச் சென்ற விசித்திரக் கொள்ளை சம்பவம் பரபரப்பை ஏற்படுத்தியுள்ளது.
சரூர் நகர் பகுதியில் நடந்து சென்று கொண்டிருந்த ஒருவரின் கவனத்தைத் திசை திருப்பும் வகையில், கொள்ளையர்களில் ஒருவன் பைக் விபத்து போல நடித்து கீழே விழுந்துள்ளான். இதை நம்பி பாதசாரி பதறியடித்துக்கொண்டு அவனுக்கு உதவச் சென்ற நேரத்தில், கூட்டாளி ஒருவன் சாமர்த்தியமாக பாதசாரியின் பையிலிருந்த ₹1 லட்சம் மதிப்புள்ள ஸ்மார்ட்போனைப் பறித்துக்கொண்டு தப்பியோடியுள்ளான்.
இச்சம்பவம் குறித்து வழக்குப் பதிவு செய்துள்ள சரூர் நகர் காவல்துறையினர் தீவிர விசாரணை மேற்கொண்டு வருகின்றனர். குற்றவாளிகளைக் கண்டறிய அப்பகுதியில் பொருத்தப்பட்டுள்ள சிசிடிவி (CCTV) காட்சிகளை ஆய்வு செய்து வரும் போலீசார், இதுவரை யாரையும் கைது செய்யவில்லை என்றும், தொடர்ந்து விசாரணை நடைபெற்று வருவதாகவும் தெரிவித்துள்ளனர்.
