திருச்சி கிழக்கு இடைத்தேர்தலில் புதிய ட்விஸ்ட்….! தவெக வேட்பாளராகக் களம் இறங்குகிறாரா ராகவா லாரன்ஸ்…? முதலமைச்சர் விஜய் போட்ட ரகசிய கணக்கு… சூடுபிடிக்கும் அரசியல் களம்…!!

தமிழக வெற்றிக் கழகத் தலைவர் விஜய் அவர்கள் கடந்த பொதுத்தேர்தலில் பெரம்பூர் மற்றும் திருச்சி கிழக்கு ஆகிய இரு தொகுதிகளிலும் களம் கண்டு மாபெரும் வெற்றி பெற்றார். அதில் பெரம்பூர் தொகுதியைத் தன்வசம் வைத்துக்கொண்டு திருச்சி கிழக்குத் தொகுதிப் பதவியை அவர் துறந்ததால், தற்போது அங்கு இடைத்தேர்தல் களம் சூடுபிடித்துள்ளது. ஆளுங்கட்சியாக உருவெடுத்துள்ள தவெக அரசுக்குத் தங்களின் மக்கள் செல்வாக்கை நிரூபிக்க இத்தேர்தல் ஒரு கவுரவப் போட்டியாக மாறியுள்ளது.

ஆரம்பத்தில் ஓய்வு பெற்ற ஐஏஎஸ் அதிகாரி சகாயம், முன்னாள் அமைச்சர் வெல்லமண்டி நடராஜன் ஆகியோரின் பெயர்கள் அடிபட்ட வேளையில், தற்போதைய புதிய திருப்பமாகத் திரைத்துறையிலும் சமூகச் சேவையிலும் முத்திரை பதித்து வரும் ராகவா லாரன்ஸ் தவெக சார்பில் அங்கு வேட்பாளராகக் களமிறக்கப்படலாம் என்ற பலத்த பேச்சு அரசியல் வட்டாரத்தில் எழுந்துள்ளது.

முதலமைச்சர் விஜயுடன் நீண்டகால நட்பு பாராட்டும் லாரன்ஸ், நூற்றுக்கணக்கான ஏழை எளிய மாணவர்களின் கல்வி மற்றும் மருத்துவ உதவிகளுக்குத் தன் அறக்கட்டளை மூலம் தொடர்ந்து அரும்பணி ஆற்றி வருகிறார். இதனிடையே, லாரன்ஸ் தனது சமூக ஊடகப் பக்கத்தில், தன் தாயாரின் ஆசீர்வாதத்துடன் வாழ்க்கையின் ஒரு மிக முக்கியமான முடிவை விரைவில் அறிவிக்கப் போவதாகப் பதிவிட்டுள்ளது இந்த விவாதத்தை மேலும் தீவிரப்படுத்தியுள்ளது.

அவர் ரஜினிகாந்தின் தீவிர ரசிகர் என்பதால் தவெகவில் இணைய வாய்ப்பில்லை என ஒரு தரப்பினர் கூறினாலும், மக்கள் மத்தியில் நற்பெயர் கொண்ட ஒருவரை நிறுத்த தவெக தலைமை திட்டமிட்டுள்ளதால் இந்த அறிவிப்பு அரசியல் முக்கியத்துவம் வாய்ந்ததாகவே பார்க்கப்படுகிறது.