“அட என்னப்பா சொல்றீங்க… மலத்தில் இருந்து மாத்திரையா..?”இங்கிலாந்தில் தொடங்கப்பட்ட விசித்திர சிகிச்சை.. உறைந்துபோக வைக்கும் பின்னணி..!!

இங்கிலாந்தில் ஆன்டிபயாடிக் மருந்துகளுக்குக் கட்டுப்படாத ஆபத்தான ‘சூப்பர் பாக்டீரியா’ தொற்றுகளைக் குணப்படுத்த ‘மலம் காப்ஸ்யூல்கள்’ மூலமாக ஒரு விசித்திரமான, புதிய சிகிச்சை முறை சோதிக்கப்பட்டு வருகிறது. ஆரோக்கியமான நபர்களின் மலத்திலிருந்து சேகரிக்கப்படும் நன்மை பயக்கும் குடல் நுண்ணுயிரிகள் தனியாகப் பிரித்தெடுக்கப்பட்டு, சுத்திகரிக்கப்பட்டு, உறைநிலையில் இந்த காப்ஸ்யூல்கள் தயாரிக்கப்படுகின்றன. இவற்றை உட்கொள்ளும்போது, நோயாளிக்குத் தேவையான நல்ல பாக்டீரியாக்கள் குடலைச் சென்றடைந்து, ஆபத்தான நோய்க்கிருமிகளை அழித்து எறிகின்றன.

வழக்கமான ஆன்டிபயாடிக் மருந்துகள் வேலை செய்யாத நிலையில், இந்த சிகிச்சை முறை சூப்பர் பாக்டீரியாக்களுக்கு எதிராக மிகச் சிறந்த பலனைத் தருவதாக ஆரம்பகட்ட ஆய்வுகளில் விஞ்ஞானிகள் கண்டறிந்துள்ளனர். குறிப்பாகத் தொடர் வயிற்றுப்போக்கு மற்றும் தீவிர குடல் தொற்றுகளால் பாதிக்கப்பட்டவர்களுக்கு இது ஒரு புதிய நம்பிக்கையை ஏற்படுத்தியுள்ளது. நோயாளிகளின் குடல் ஆரோக்கியத்தை இயல்புநிலைக்குக் கொண்டுவர உதவும் இந்த ஆய்வு, மருத்துவ உலகில் ஒரு முக்கிய மைல்கல்லாகப் பார்க்கப்படுகிறது.