“விண்ணில் மலம் கழிக்க விண்வெளி வீரர்கள் ஏன் இவ்வளவு திணறுகிறார்கள்..?!” ரத்த மாதிரிகளைச் சோதித்த விஞ்ஞானிகள் உடைத்த பகீர் ரகசியம்…!!

‘நேச்சுரல் கம்யூனிகேஷன்ஸ்’ என்ற சர்வதேச அறிவியல் இதழில் வெளியாகியுள்ள புதிய ஆய்வு முடிவுகளின்படி, விண்வெளிக்குச் செல்லும் வீரர்கள் மலம் கழிக்கவும் தீவிர மலச்சிக்கல் பிரச்சினையாலும் கடுமையாகத் திணறுவதற்குப் புவியீர்ப்பு விசை இன்மையே மிக முக்கிய உயிரியல் காரணம் என்று விஞ்ஞானிகள் கண்டறிந்துள்ளனர். சர்வதேச விண்வெளி நிலையத்தில் 2 முதல் 9 மாதங்கள் வரை கழித்த 52 விண்வெளி வீரர்களின் 488 ரத்த மாதிரிகளை விஞ்ஞானிகள் தீவிரமாக ஆய்வு செய்தபோது, விண்வெளியில் மனித உடலின் குடல் இயக்கம் மற்றும் செரிமான மண்டலத்தின் செயல்பாடுகள் அசுர வேகத்தில் மெதுவாக மாறுவது கண்டறியப்பட்டுள்ளது. புவியீர்ப்பு விசை இல்லாத சூழலில், குடலில் வாழும் நுண்ணுயிரிகள் ஆற்றலை உருவாக்குவதற்காக வழக்கமான நார்ச்சத்து மற்றும் கார்போஹைட்ரேட்டுகளுக்குப் பதிலாகப் புரதங்களை (Proteins) மட்டுமே அதிகம் சார்ந்து செயல்படுவதால், உடலில் மொத்தம் 40 கூறுகள் வரை பெரிய மாறுதலுக்கு உள்ளாகின்றன.

இந்த விசித்திரமான மாற்றங்களின் காரணமாக, விண்வெளி வீரர்களின் செரிமான மண்டலத்தில் உணவு செரிப்பதும், அதிலிருந்து கழிவுகள் பிரிவதும் மிக மிக மெதுவாக நடப்பதால் மலம் உருவாவது குறைந்து, அது உடலில் தேங்கி நச்சுப்பொருட்களை உருவாக்குகிறது. விண்கலம் ஏவப்பட்ட சில நாட்களிலேயே தொடங்கிவிடும் இந்த அபாயகரமான உயிரியல் பாதிப்புகள், வீரர்கள் மீண்டும் பூமிக்குத் திரும்பிய சில நாட்களுக்குள் தானாகவே இயல்பு நிலைக்குத் திரும்பிவிடுவதாகவும் விஞ்ஞானிகள் தங்களது ஆய்வில் சுவாரசியமாகப் பகிர்ந்துள்ளனர். வருங்காலங்களில் விண்வெளியில் பல வருடங்கள் தங்கி ஆய்வு செய்ய வேண்டிய வீரர்களுக்கு இது பெரும் உடல்நலப் அச்சுறுத்தலாக மாறும் என்பதால், அவர்களின் உணவு முறையை மாற்றி அமைப்பதன் மூலம் இப்போதைக்கு இப்பிரச்சினையை ஓரளவு தவிர்க்கலாம் எனப் பரிந்துரைக்கப்பட்டுள்ளது.