“அடப்பாவமே.. ஆடு செய்த சின்ன தப்பு… 4 பிள்ளைகள் தாய்க்கு நேர்ந்த கொடூர முடிவு.. நாத்தனாரின் வெறிச்செயல்.. நெஞ்சை பதறவைக்கும் பின்னணி..!!

பீகார் மாநிலம் பெட்டியா மாவட்டத்தில் உள்ள ராம்நகர் காவல் எல்லைக்குட்பட்ட ஜப்கா கிராமத்தில், ஆடு ரொட்டி சாப்பிட்ட விவகாரத்தில் ஏற்பட்ட சண்டை ரத்தக்களரியாக மாறி 35 வயதான ரமிதா தேவி என்ற பெண் சனிக்கிழமை இரவு அடித்துக் கொலை செய்யப்பட்டுள்ளார். பாதிக்கப்பட்ட பெண்ணின் ஆடு, அவரது நாத்தனார் வீட்டிற்குள் நுழைந்து ரொட்டியைத் தின்றதால் இரு தரப்பினருக்கும் இடையே வாக்குவாதம் ஏற்பட்டுள்ளது. இந்தச் சண்டை முற்றியதில், நாத்தனார் மற்றும் அங்கிருந்த சிலர் இணைந்து ரமிதா தேவியை மிகக் கொடூரமாகத் தாக்கியுள்ளனர்; இந்தத் தாக்குதலின் காரணமாக அவர் சம்பவ இடத்திலேயே பரிதாபமாக உயிரிழந்தார்.

இச்சம்பவம் நடந்தபோது ரமிதா தேவியின் கணவர் மகேஷ் சௌத்ரி வேலை விஷயமாக வெளியூரில் இருந்த நிலையில், தாயை இழந்து தவிக்கும் அவரது நான்கு பிள்ளைகளும் ஒட்டுமொத்த குடும்பத்தினரும் சோகத்தில் ஆழ்ந்துள்ளனர். தகவலறிந்து சம்பவ இடத்திற்கு விரைந்த ராம்நகர் போலீஸார், உடலைக் கைப்பற்றி பிரேத பரிசோதனைக்கு அனுப்பி வைத்துள்ளனர். இக்கொடூரச் சம்பவத்திற்குப் பிறகு தலைமறைவாகியுள்ள நாத்தனார் உள்ளிட்ட குற்றவாளிகளைத் தேடி வரும் போலீஸார், இது தொடர்பாகப் புகார் மனு பெறப்பட்டவுடன் முதல் தகவல் அறிக்கை (FIR) பதிவு செய்து அடுத்தகட்ட சட்ட நடவடிக்கைகளை மேற்கொள்ளத் திட்டமிட்டுள்ளனர்.