“என்னைத் தொட்டால் சும்மா விடமாட்டேன்… திரைக்குப் பின்னால் இருப்பவர்களையும் தேடிப் பிடிப்பேன்..” ஜனநாயகக் கட்சியினரை வார்னிங் செய்த எலான் மஸ்க்..!!

அமெரிக்க அதிபர் டொனால்ட் டிரம்பின் நெருங்கிய கூட்டாளியான எலான் மஸ்க், வரவிருக்கும் இடைத்தேர்தலில் ஜனநாயகக் கட்சியினர் வெற்றி பெற்று காங்கிரஸின் கட்டுப்பாட்டைப் பெற்றால், தனது அரசாங்கத் தொடர்புகள் குறித்து விசாரிக்கப் திட்டமிடும் ஜனநாயகக் கட்சியினருக்கு கடுமையான எச்சரிக்கை விடுத்துள்ளார். ஜனநாயகக் கட்சியினரின் இத்தகைய நடவடிக்கைகளுக்குப் பதிலளிக்கும் விதமாக, தான் சொந்தமாக வைத்துள்ள ‘எக்ஸ்’ (X) சமூக வலைதளத்தில் “வாளால் வீழ்பவன் வாளாலேயே சாவான்” (Live by the sword, die by the sword) என்று அவர் பதிவிட்டுள்ளார்.

மேலும் அவர் தனது பதிவில், “என்னுடன் சண்டைக்கு வருபவர்கள், அவர்களின் பொம்மைகளை மட்டும் நான் குறிவைக்க மாட்டேன்; திரைக்குப் பின்னால் உண்மையாகவே கசாப்புகளை இயக்கும் சூத்திரதாரிகள் யார் என்பதை நான் கண்டுபிடித்து அவர்களைத் தேடி வருவேன்” என்றும் எச்சரித்துள்ளார். டிரம்பின் தேர்தல் பிரச்சாரத்திற்கு நிதி உதவி செய்ததோடு மட்டுமல்லாமல், அரசு செலவினங்களைக் குறைக்கும் சர்ச்சைக்குரிய திட்டங்களையும் மஸ்க் செயல்படுத்தியுள்ளார் என்பது குறிப்பிடத்தக்கது.

தற்போது குடியரசுக் கட்சியினர் செனட் மற்றும் பிரதிநிதிகள் சபையைக் கட்டுப்படுத்தி வரும் நிலையில், நவம்பர் 3-ஆம் தேதி நடைபெறும் தேர்தலில் ஜனநாயகக் கட்சியினர் கீழ் சபையைக் கைப்பற்றுவார்கள் என எதிர்பார்க்கப்படுகிறது. இது நிகழ்ந்தால், சக்திவாய்ந்த விசாரணைக்குழுக்கள் மூலம் மஸ்க்கை விசாரணைக்கு உட்படுத்தி வாக்குமூலம் பெற ஜனநாயகக் கட்சியினருக்கு அதிகாரம் கிடைக்கும் என்பதால், இப்போதே இந்த அரசியல் மோதல் தீவிரம் அடைந்துள்ளது.