சூப்பர் சான்ஸ்..! ரயில்வேயில் 6,557 டெக்னீசியன் காலிப்பணியிடங்கள்… நாளை முதல் விண்ணப்பிக்கலாம்..!!

ரயில்வே தேர்வு வாரியம்  நாடு முழுவதும் காலியாக உள்ள 6,557 டெக்னீசியன் பணியிடங்களை நிரப்புவதற்கான அதிகாரப்பூர்வ வேலைவாய்ப்பு அறிவிப்பை (CEN 02/2026) வெளியிட்டுள்ளது. மத்திய அரசின் ரயில்வே துறையில் நிலையான மற்றும் சிறந்த எதிர்காலத்தை விரும்பும் தகுதியான இளைஞர்களுக்கு இந்த அறிவிப்பு ஒரு பெரும் வாய்ப்பாக அமைந்துள்ளது. இந்த மொத்த காலிப்பணியிடங்களில், டெக்னீசியன் கிரேடு-1 (சிக்னல்) பிரிவின் கீழ் 323 பணியிடங்களும், டெக்னீசியன் கிரேடு-3 பிரிவின் கீழ் 6,234 பணியிடங்களும் ஒதுக்கீடு செய்யப்பட்டுள்ளன என்று வாரியம் தரப்பில் தெரிவிக்கப்பட்டுள்ளது.

இத்தேர்விற்கு விண்ணப்பிக்க விரும்பும் தகுதியுடைய விண்ணப்பதாரர்கள், மத்திய ரயில்வே தேர்வு வாரியத்தின் அதிகாரப்பூர்வ இணையதளம் வழியாக ஜூன் 30 முதல் ஜூலை 29 வரை தங்களது ஆன்லைன் விண்ணப்பங்களைச் சமர்ப்பிக்கலாம். கிரேடு-1 பணிகளுக்குப் பொறியியல் டிப்ளமோ, பி.இ, பி.டெக் அல்லது பி.எஸ்சி பட்டதாரிகளும், கிரேடு-3 பணிகளுக்குப் பத்தாம் வகுப்புடன் ஐடிஐ (ITI) முடித்தவர்களும் விண்ணப்பிக்கத் தகுதியானவர்கள் ஆவர். கணினி வழித் தேர்வு (CBT), சான்றிதழ் சரிபார்ப்பு மற்றும் மருத்துவப் பரிசோதனைகள் ஆகியவற்றின் அடிப்படையில் தகுதியானவர்கள் தேர்வு செய்யப்படுவார்கள் என்பதால், விண்ணப்பதாரர்கள் முன்கூட்டியே தேவையான ஆவணங்களுடன் விரைவாக விண்ணப்பிக்குமாறு அறிவுறுத்தப்படுகிறார்கள்