சினிமாவை ஓரங்கட்டிய குஷ்பு மகள்…யார் இந்த ஷ்ரவன் சீனிவாசன்…மெர்ச்சன்ட் நேவி அதிகாரியின் மாத சம்பளம் இவ்வளவு லட்சமா…அவந்திகா மணக்கப்போகும் மாப்பிள்ளையின் நிஜமான பின்னணி…!

திரைையுலகிலும் அரசியலிலும் முன்னணி ஆளுமையாக விளங்கும் குஷ்பு மற்றும் பிரபல இயக்குநர் சுந்தர் சி தம்பதியின் மூத்த மகள் அவந்திகாவின் திருமண வேலைகள் தற்போது சோஷியல் மீடியாவின் ஹாட் டாபிக்காக மாறியுள்ளன. இந்த நட்சத்திர திருமணத்திற்கான முதல் பத்திரிகையை டெல்லியில் பிரதமர் நரேந்திர மோடிக்கும், அடுத்ததாகத் தமிழக முதல்வர் விஜய்க்கும் நேரில் வழங்கி குஷ்பு அழைப்பு விடுத்துள்ளார். விஐபிக்களுக்குப் பத்திரிகை வைக்கச் செல்லும்போது குஷ்பு தனது வருங்கால மருமகனையும் உடன் அழைத்துச் செல்வதால், யார் இந்த மாப்பிள்ளை என்ற தேடல் நெட்டிசன்கள் மத்தியில் தீவிரமடைந்துள்ளது.

ரசிகர்களின் இந்த நீண்டகாலக் கேள்விக்கு அண்மையில் முற்றுப்புள்ளி வைத்துள்ள குஷ்பு, தனது மருமகன் ஷ்ரவன் சீனிவாசனின் பின்னணி குறித்து மனம் திறந்துள்ளார். பக்கா சென்னை பையனான ஷ்ரவனுக்கும் சினிமா உலகிற்கும் எந்தத் தொடர்பும் இல்லை என்றும், அவர் கடல் அலைகளை ஆளும் ஒரு மெர்ச்சன்ட் நேவி அதிகாரி (Merchant Navy Officer) என்றும் குஷ்பு தெரிவித்துள்ளார். அவந்திகாவும் ஷ்ரவனும் கடந்த சில காலமாகவே காதலித்து வந்த நிலையில், இருவீட்டாரின் சம்மதத்துடன் தற்போது திருமண பந்தத்தில் இணையவுள்ளனர். மெர்ச்சன்ட் நேவி அதிகாரியாகப் பணிபுரியும் ஷ்ரவனின் மாதச் சம்பளம், பதவி நிலையைப் பொறுத்து 1.5 லட்சம் முதல் சீனியர் கேப்டன் அந்தஸ்தில் 20 லட்சம் ரூபாய் வரை இருக்கும் என்பதால் அவரது சம்பள விவரங்களும் இணையத்தில் வைரலாகி வருகின்றன.

பிரபலங்களின் வாரிசாக இருந்தாலும் பெற்றோரின் தயவின்றி, சொந்த உழைப்பால் ஆடிஷனில் கலந்துகொண்டு மலையாளத்தில் வெளியான ‘ஆரம்பம்’ திரைப்படத்தின் மூலம் நடிகையாக அறிமுகமானவர் அவந்திகா. மகளின் இந்த சுயசார்பு தமக்கு பெரும் பெருமிதத்தைத் தருவதாகவும், திருமணத்திற்குப் பிறகும் அவந்திகா தொடர்ந்து சினிமாவில் நடிப்பார் என்றும் அதற்கு மாப்பிள்ளை வீட்டார் முழு சம்மதம் தெரிவித்துவிட்டதாகவும் குஷ்பு நெகிழ்ச்சியுடன் குறிப்பிட்டுள்ளார். பிரதமர், முதலமைச்சர் உள்ளிட்ட பல முக்கிய அரசியல் மற்றும் சினிமா விஐபிக்கள் பங்கேற்கவிருக்கும் இந்த பிரம்மாண்ட திருமணத்தைக் கொண்டாட ஒட்டுமொத்த கோலிவுட்டும் ஆவலோடு காத்துக் கொண்டிருக்கிறது.