“அவர் குழந்தையா வளர்ந்த வீடு”… நினைவுச் சின்னமா மாத்தியிருக்கலாம்.. முதல்வர் விஜய்யின் சாலிகிராமம் வீடு இடிக்கப்படுவதற்கு நடிகர் சரவணன் வேதனை..!!

தமிழக முதலமைச்சரும் நடிகருமான விஜய்யின் சென்னை சாலிகிராமம் இல்லம் தற்போது இடிக்கப்பட்டு வருவது தனக்கு மிகுந்த வேதனை அளிப்பதாக நடிகர் ‘குட்டிப்புலி’ சரவணன் தெரிவித்துள்ளார். இது குறித்து அவர் வெளியிட்டுள்ள உருக்கமான வீடியோ பதிவில், முதலமைச்சர் விஜய் அவர்கள் தனது சிறுவயதில் குழந்தையாக தவழ்ந்து, வளர்ந்த அந்தப் பாரம்பரியமிக்க வீட்டை இடித்துத் தரைமட்டமாக்குவதற்குப் பதிலாக, அதனை ஒரு வரலாற்று நினைவுச் சின்னமாக மாற்றி அரசு பாதுகாத்திருக்கலாம் என்று தனது ஆதங்கத்தை வெளிப்படுத்தியுள்ளார்.

மேலும், அந்த சாலிகிராமம் இல்லத்துடன் தனக்கு இருக்கும் பல மறக்க முடியாத பழைய நினைவுகளையும் அவர் அந்த வீடியோவில் பகிர்ந்து கொண்டுள்ளார். குறிப்பாக, ஒருமுறை அந்த வீட்டில் வளர்க்கப்பட்ட செல்லப் பிராணியான நாயுடன் தான் விளையாடிக் கொண்டிருந்தபோது, அது எதிர்பாராதவிதமாகத் தனது காதைக் கடித்த சுவாரசியமான மற்றும் திகைப்பூட்டும் சம்பவத்தையும் அவர் நினைவுகூர்ந்துள்ளார். முதலமைச்சரின் வீடு இடிக்கப்படும் இந்த விவகாரம் தற்போது சினிமா மற்றும் அரசியல் வட்டாரங்களில் ஒரு பேசுபொருளாக மாறியுள்ளது.