“தமிழ்னா கெத்து, தமிழ்னா பவர்” – சட்டமன்றத்தில் கர்ஜித்த முதலமைச்சர் விஜய்.. தமிழ்த்தாய் வாழ்த்துக்கு முதலிடம் தருவதே மாநில உரிமை என அதிரடி உரை..!!

“தமிழ் என்று கூறினால் ஒட்டுமொத்த தமிழ்நாடும் ஒன்றாக வந்து நிற்கும்” என்று தமிழக சட்டமன்றப் பேரவையில் முதலமைச்சர் விஜய் உணர்ச்சிப்பூர்வமாகப் பேசியுள்ளார். தமிழகச் சட்டமன்றக் கூட்டத்தொடரில் உரையாற்றிய அவர், தமிழின் பெருமையையும் தமிழர்களின் ஒற்றுமையையும் மிக ஆணித்தரமாகத் தனது பேச்சில் பதிவு செய்துள்ளார். “தமிழ்னா கெத்து, தமிழ்னா பவர்” என்று அவர் குறிப்பிட்ட பொழுது, பேரவையில் இருந்த உறுப்பினர்களிடையே பலத்த வரவேற்பும் கைதட்டலும் எழுந்தது.

சமீபகாலமாகத் தொடர்ந்து விவாதப் பொருளாக மாறியுள்ள தமிழ்த்தாய் வாழ்த்து விவகாரம் குறித்தும் முதலமைச்சர் விஜய் சட்டமன்றத்தில் தனது தெளிவான நிலப்பாட்டை விளக்கியுள்ளார். தமிழ்நாட்டில் எப்போதும் தமிழ்த்தாய் வாழ்த்துதான் முதல் இடத்தில் இருக்க வேண்டும் என்று அவர் வலியுறுத்தியுள்ளார். மாநில உரிமைகளைப் பாதுகாப்பதிலும், மொழியின் அடையாளத்தை நிலைநிறுத்துவதிலும் தற்போதைய அரசு எந்தவொரு சமரசமும் செய்துகொள்ளாது என்பதை அவர் தனது பேச்சின் மூலம் வெளிப்படுத்தியுள்ளார்.

தமிழ்த்தாய் வாழ்த்துக்கு முதலிடம் அளிப்பது என்பது வெறும் மொழி சார்ந்த விஷயம் மட்டுமல்ல, அதுதான் ஒட்டுமொத்த தமிழகத்தின் மாநில உரிமை என்றும் முதலமைச்சர் விஜய் சுட்டிக்காட்டியுள்ளார். மொழி மற்றும் மாநில உரிமைகளை முன்னிறுத்தி சட்டமன்றப் பேரவையில் முதலமைச்சர் பேசியுள்ள இந்த அதிரடியான கருத்துக்கள் தற்பொழுது தமிழக அரசியல் களம் மற்றும் சமூக வலைதளங்களில் பெரும் பேசுபொருளாக மாறியுள்ளன.