டான்ஸ் ஆட வேற இடமே கிடைக்கலையா பாஸ்..? ஓடும் டிரக் கூரையில் ஏறி ஆட்டம் போட்ட டிரைவர்… அலறி அடிச்சு ஓடிய மக்கள்..! வீடியோவைப் பார்த்தா ஷாக் ஆயிடுவீங்க..!!

ராஜஸ்தான் மாநிலம் அல்வார் மாவட்டத்தில் உள்ள உத்யோக் நகர் காவல் நிலைய எல்லைக்குட்பட்ட லோஹியாவின் திபாரா அருகே மிகவும் ஆபத்தான வீதி சாகச சம்பவம் ஒன்று நடந்துள்ளது. கனரக டிரக் ஒன்று சாலையில் சென்று கொண்டிருந்தபோது, அதன் ஓட்டுநர் வாகனத்தின் ஜன்னல் வழியாக வெளியேறி, இயங்கிக் கொண்டிருந்த டிரக்கின் மேற்கூரைக்குச் சென்று நின்றுகொண்டு நடனமாடியுள்ளார். இந்த அதிர்ச்சிகரமான வீடியோ சமூக வலைதளங்களில் வெளியாகி கடும் கொந்தளிப்பை ஏற்படுத்தியுள்ளது.

வாகனக் கட்டுப்பாட்டில் யாரும் இல்லாத நிலையிலும் அந்த கனரக டிரக் சாலையில் தொடர்ந்து முன்னோக்கிச் சென்றுகொண்டிருந்தது. ஓட்டுநரின் இந்த பொறுப்பற்ற செயலால் பாதசாரிகளுக்கும், அந்த வழியே சென்ற மற்ற வாகன ஓட்டிகளுக்கும் பெரும் ஆபத்து ஏற்பட்டது. சமூக வலைதளங்களில் பரவி வரும் அந்த வீடியோவில், டிரக்கின் கூரையில் ஓட்டுநர் நடனமாடுவதைக் கண்டு அதிர்ச்சியடைந்த எதிரே வந்த வாகன ஓட்டிகள், விபத்தைத் தவிர்க்கத் தங்கள் வாகனங்களைப் பயத்துடன் பின்னோக்கி நகர்த்திச் செல்வது தெளிவாகப் பதிவாகியுள்ளது.

இந்தச் சம்பவம் குறித்த வீடியோ இணையத்தில் வேகமாகப் பரவியதைத் தொடர்ந்து, பொதுமக்களிடையே பெரும் கோபத்தை ஏற்படுத்தியுள்ளது. கனரக வாகனங்களை மிகவும் கவனமாகக் கையாள வேண்டிய நிலையில், மக்கள் நடமாட்டம் உள்ள சாலையில் இவ்வாறு நடந்து கொண்டது வீதி பாதுகாப்பைக் கடுமையாகக் கேள்விக்குறியாக்கியுள்ளது. எனவே, சம்பந்தப்பட்ட அந்த ஆபத்தான ஓட்டுநரை உடனடியாக அடையாளம் கண்டு, காவல்துறை மற்றும் போக்குவரத்துத் துறை அதிகாரிகள் அவர் மீது கடுமையான நடவடிக்கை எடுக்க வேண்டும் என அப்பகுதி பொதுமக்கள் வலியுறுத்தியுள்ளனர்.