வாவ்.! இந்தியாகிட்ட தோத்துட்டோம் ஆனா… ஆட்டம் முடிந்ததும் பார்வையாளர்கள் போட்ட குப்பைகளை அள்ளிய ஆப்கான் ரசிகர்.. மைதானத்தில் நெஞ்சை உருக வைத்த நெகிழ்ச்சி தருணம்..!!

இந்தியா மற்றும் ஆப்கானிஸ்தான் அணிகளுக்கு இடையே நடைபெற்ற இறுதி டி20 கிரிக்கெட் போட்டிக்கு பிறகு, மைதானத்தில் ஆப்கானிஸ்தான் ரசிகர் ஒருவர் செய்த நெகிழ்ச்சியான செயல் உலகெங்கிலும் உள்ள கிரிக்கெட் ரசிகர்களின் இதயங்களை வென்றுள்ளது. போட்டி முடிந்து பெரும்பாலான பார்வையாளர்கள் மைதானத்தை விட்டு வெளியேறிய பிறகு, அந்த ஆப்கான் ஆதரவாளர் அங்கேயே இருந்துள்ளார்.

பின் விளையாட்டரங்கின் பார்வையாளர் வரிசையில் மற்றவர்களால் போட்டுச் செல்லப்பட்ட பிளாஸ்டிக் பாட்டில்கள், தின்பண்டங்களின் கவர்கள் மற்றும் பிற குப்பைகளை அவர் தனியாகச் சேகரித்து சுத்தம் செய்துள்ளார். மைதானத்தை தூய்மையாக வைத்திருக்க வேண்டும் என்ற அவரது இந்த உயர்ந்த பொறுப்புணர்வும், எளிய நற்செயலும் அங்குள்ளவர்களின் கவனத்தை ஈர்த்துள்ளது.

ஆப்கான் ரசிகர் மைதானத்தைச் சுத்தம் செய்யும் இந்த நெகிழ்ச்சியான காட்சிகள் அங்கிருந்தவர்களால் வீடியோவாக எடுக்கப்பட்டு சமூக வலைதளங்களில் வெளியாகி தற்போது வைரலாகி வருகிறது. கிரிக்கெட் போட்டிகளில் மறக்க முடியாத தருணங்கள் என்பது மைதானத்தில் விளையாடும் வீரர்களால் மட்டுமே உருவாக்கப்படுவதில்லை, சில நேரங்களில் பார்வையாளர் மாடத்திலிருந்து ரசிகர்களின் இதுபோன்ற சிறிய நற்செயல்களும் நீங்கா முத்திரையைப் பதிக்கும் என்பதற்கு இந்தச் சம்பவம் ஒரு சிறந்த உதாரணமாக அமைந்துள்ளது.