“பகீர்.. ரத்த வெள்ளத்தில் கிடந்த பிஹெச்டி மாணவர்..” பின்னணியில் இருக்கும் மர்மம் என்ன..? கொலையாளிகள் போட்ட பக்கா பிளான்.. விசாரணையில் வெளிவந்த அதிர்ச்சி உண்மை..!!

ஹைதராபாத்தின் நர்சிங்கி காவல் எல்லைக்குட்பட்ட கோகாபேட் பகுதியில் உள்ள நியோ போலீஸ் குருமா சங்கம் கட்டிடத்தின் அருகே, ஒஸ்மானியா பல்கலைக்கழக பிஹெச்டி மாணவர் வெங்கண்ணா கொடூரமான முறையில் கொலை செய்யப்பட்டு சடலமாகக் கிடந்த சம்பவம் பெரும் அதிர்ச்சியை ஏற்படுத்தியுள்ளது. கம்மம் மாவட்டத்தைச் சேர்ந்த வெங்கண்ணா, ஒஸ்மானியா வளாகத் தங்குமிடத்தில் தங்கித் தனது முனைவர் பட்டப் படிப்பைப் பயின்று வந்துள்ளார்; இவருக்கு மனைவியும் இரண்டு குழந்தைகளும் இருப்பதாகத் முதற்கட்டத் தகவல்கள் தெரிவிக்கின்றன. அவரது தலையில் கிரிக்கெட் மட்டையால் மிகக் கொடூரமாகத் தாக்கப்பட்டுக் கொலை செய்யப்பட்டுள்ளது விசாரணையில் தெரியவந்துள்ளது.

சம்பவ இடத்தைக் கண்டறிந்த போலீஸார், வெங்கண்ணா வேறொரு இடத்தில் வைத்துக் கொலை செய்யப்பட்டு, பின்னர் உடலை மறைப்பதற்காக இந்தத் தனிமையான இடத்திற்குக் கொண்டு வந்து வீசிச் சென்றிருக்கலாம் எனச் சந்தேகிக்கின்றனர். தகவலறிந்து சம்பவ இடத்திற்கு டிசிபி சிந்தாமணி ஸ்ரீனிவாஸ் உள்ளிட்ட உயர் போலீஸ் அதிகாரிகள் விரைந்து வந்து தீவிர விசாரணையைத் தொடங்கியுள்ளனர். இந்தத் துயரக் கொலைக்கான பின்னணி மற்றும் கொலையாளிகள் யார் என்பது குறித்துப் பல்வேறு கோணங்களில் நர்சிங்கி போலீஸார் வழக்குப் பதிவு செய்து தேடுதல் வேட்டையை முடுக்கிவிட்டுள்ளனர்.