“ஹோட்டல் அறை எண் 201-ல் உறைந்த மர்மம்..” 46 வயது பெண்ணுடன் 9 நாட்கள் தங்கியிருந்த 26 வயது வாலிபர்.. கதவைத் திறந்த போலீசாருக்குக் காத்திருந்த அதிர்ச்சி..!!

உத்தரப் பிரதேச மாநிலம் பஹ்ரைச்சில் உள்ள ‘அவத் ஹோட்டலில்’ கடந்த 9 நாட்களாக ஒன்றாகத் தங்கியிருந்த 46 வயது திருமணமான பெண்ணும், 26 வயது இளைஞரும் அறையின் கூரை மின்விசிறியில் தூக்கில் தொங்கிய நிலையில் சடலமாகக் கண்டெடுக்கப்பட்டுள்ளனர். சிரவஸ்தி பகுதியைச் சேர்ந்த ரிங்குமற்றும் கௌதம புத்தா நகரைச் சேர்ந்த பிங்கி ஆகிய இருவருமே இவ்வாறு மர்மமான முறையில் உயிரிழந்துள்ளனர். கடந்த செப்டம்பர் 22-ம் தேதி முதல் இவர்கள் இருவரும் அந்த ஹோட்டலின் அறை எண் 201-ல் தங்கி வந்துள்ளனர்.

பஹ்ரைச் பகுதியில் தனியார் வேலைகள் மற்றும் துறை சார்ந்த பணிகள் இருப்பதாகக் கூறி இவர்கள் இருவரும் ஹோட்டலில் அறையை எடுத்துள்ளனர். இவர்களது வயது வித்தியாசத்தை கவனித்த போதிலும், ஹோட்டல் ஊழியர்கள் அது குறித்து எவ்வித பிரத்யேக கேள்விகளோ அல்லது விசாரணையோ நடத்தவில்லை. ஹோட்டல் ஊழியர்களின் கூற்றுப்படி, இவர்கள் இருவரும் தினமும் காலை, மதியம் மற்றும் மாலை நேரங்களில் தங்களுக்குத் தேவையான தேநீர், தின்பண்டங்கள் மற்றும் உணவுகளைத் வழக்கமாக ஆர்டர் செய்து சாப்பிட்டு வந்துள்ளனர்.

இந்நிலையில், கடந்த வியாழக்கிழமை காலை 10 மணிக்கு மேல் இவர்களது அறை எண் 201-ல் இருந்து எவ்வித சலனமும் இல்லாததால் சந்தேகமடைந்த ஹோட்டல் ஊழியர்கள் காவல்துறையினருக்குத் தகவல் கொடுத்தனர். சம்பவ இடத்திற்கு வந்த போலீசார் கதவைத் திறந்து பார்த்தபோது, இருவரும் மின்விசிறியில் சடலமாகத் தொங்குவதைக் கண்டு அதிர்ச்சியடைந்தனர். தற்கொலைக்கான காரணம் என்ன என்பது இன்னும் தெளிவாகத் தெரியவில்லை என்றும், சம்பவ இடத்திலிருந்து மரணத்திற்கான காரணத்தை உறுதிப்படுத்தும் எந்தவொரு கடிதமோ அல்லது தகவலோ கிடைக்கவில்லை என்றும் காவல்துறையினர் தெரிவித்துள்ளனர். இது குறித்துப் போலீசார் தொடர்ந்து தீவிர விசாரணை நடத்தி வருகின்றனர்.