“அம்மா… போன் போச்சு..!” ரயிலில் அலறிய சிறுமி… கண்ணிமைக்கும் நேரத்தில் நடந்த கொடூரம்.. வைரலாகும் அதிர்ச்சி வீடியோ..!!

நின்று கொண்டிருந்த ரயிலில் ஜன்னல் ஓரமாக அமர்ந்திருந்த சிறுமியின் கையிலிருந்த மொபைல் போனை, மர்ம நபர் ஒருவர் கண்ணிமைக்கும் நேரத்தில் பறித்துக்கொண்டு தப்பியோடிய அதிர்ச்சி சம்பவம் அரங்கேறியுள்ளது. போனைப் பறிகொடுத்த அந்தச் சிறுமி பதற்றத்தில் “அம்மா… போன்!” என்று அலறியபடி தேம்பித் தேம்பி அழுத காட்சி அங்கிருந்த பயணிகளின் நெஞ்சை உலுக்கியுள்ளது. மனிதாபிமானமற்ற இந்தத் துணிகரத் திருட்டுச் சம்பவம் ஒட்டுமொத்த ரயில் பயணிகளிடையேயும் பெரும் அதிர்ச்சியை ஏற்படுத்தியுள்ளது.

இந்தச் சம்பவத்தைத் தொடர்ந்து, ரயிலில் பயணம் செய்யும் அனைத்துப் பயணிகளுக்கும் ஒரு முக்கிய எச்சரிக்கை விடுக்கப்பட்டுள்ளது. ரயில் நிலையங்களில் அல்லது சிக்னலுக்காக ரயில் நின்று கொண்டிருக்கும்போது, பயணிகள் யாரும் ஜன்னல் ஓரங்களில் அமர்ந்து கொண்டு தங்களின் மொபைல் போன்களைப் பயன்படுத்த வேண்டாம் என்று அறிவுறுத்தப்படுகிறார்கள். திருடர்கள் எப்போதும் ஜன்னல் வழியாகக் கைகளை நீட்டிப் பறிக்கக் காத்திருப்பதால், பயணத்தின்போது எப்போதும் விழிப்புடனும் எச்சரிக்கையுடனும் இருக்குமாறு கேட்டுக்கொள்ளப்படுகிறார்கள்.