CRIME
“மாரடைப்பு அல்ல…” ராமலீலா பார்த்துவிட்டு திரும்பிய தலித் இளைஞருக்கு நேர்ந்த கொடூரம்.. போலீசாரையே அதிரவைத்த அந்த ஒரு சிசிடிவி ஆதாரம்..!!
உத்தரப் பிரதேச மாநிலம் பிஜ்னோரில் ராமலீலா நிகழ்ச்சியைக் கண்டுவிட்டுத் திரும்பிய விபின் என்ற தலித் இளைஞர், குஷால் பிரஜாபதி மற்றும் அவரது உறவினர்களால் தடிகளால் கொடூரமாக அடித்துக் கொல்லப்பட்டார். முந்தைய முன்விரோதம் காரணமாக இந்தத் தாக்குதல் நடத்தப்பட்டதாகக் கூறப்படும் நிலையில், ஆரம்பத்தில் இந்த மரணத்தை மாரடைப்பால் ஏற்பட்ட மரணம் என்று காவல்துறையினர் வழக்கைப் பதிவு செய்து மூடிமறைக்க முயன்றனர்.
இருப்பினும், பாதிக்கப்பட்ட இளைஞரின் குடும்பத்தினர் தேடி அலசி சிசிடிவி காட்சிகளை ஆதாரமாக மீட்டெடுத்தபோது, இந்த மரணத்தின் பின்னணியில் இருந்த அதிர்ச்சியூட்டும் உண்மை அம்பலமானது. இந்தத் துரோகத்தைக் கண்டித்தும், பாதிக்கப்பட்ட குடும்பத்திற்கு நீதி கோரியும் ஆசாத் சமாஜ் கட்சித் தலைவர்கள் மற்றும் தொண்டர்கள் காவல் நிலையத்திற்குள் புகுந்து கடும் போராட்டத்தில் ஈடுபட்டனர். இதனைத் தொடர்ந்து, காவல்துறையினர் தற்போது கொலை வழக்குப் பதிவு செய்து, குற்றஞ்சாட்டப்பட்ட மூவரைக் கைது செய்து தீவிர விசாரணை மேற்கொண்டு வருகின்றனர்.
