“எவன் பார்த்த வேலை டா இது..?” 9 எலுமிச்சம்பழம், தேங்காய் வைத்து பிரதமருக்கு எதிராக நடந்த விசித்திர சடங்கு.. அயோத்தியில் பரபரப்பு!..!!

உத்தரப் பிரதேச மாநிலம் அயோத்தியில் உள்ள சரயு நதிக்கரையில், பிரதமர் நரேந்திர மோடியின் புகைப்படத்தைப் பயன்படுத்தி மர்ம நபர்கள் சிலர் மாந்திரீக மற்றும் சூனிய சடங்குகளைச் செய்த அதிர்ச்சி வீடியோ சமூக வலைத்தளங்களில் வைரலாகிப் பரபரப்பை ஏற்படுத்தியுள்ளது. தரையில் வைக்கப்பட்டிருந்த பிரதமரின் புகைப்படத்தைச் சுற்றி தேங்காய்கள், சந்தனம், கிராம்புகள் மற்றும் ஒன்பது எலுமிச்சம்பழங்கள் அடுக்கப்பட்டு, முழுமையான தந்திர-மந்திர சடங்குகளுடன் இந்த சூனியம் வைக்கும் நிகழ்வு அரங்கேற்றப்பட்டுள்ளது. இந்த விசித்திரமான மற்றும் மர்மமான மாந்திரீக சடங்கு குறித்த வீடியோ இணையத்தில் காட்டுத்தீயாகப் பரவியதைத் தொடர்ந்து, காவல்துறை வட்டாரத்தில் பெரும் அதிர்ச்சியும் பரபரப்பும் நிலவி வருகிறது.

பிரதமரை இலக்கு வைத்து நடத்தப்பட்ட இந்த மாந்திரீகக் கொடூரம் குறித்து காவல்துறை அதிகாரிகள் தற்போது தீவிர விசாரணையைத் தொடங்கியுள்ளனர். நாட்டின் மிக உயரிய பதவியில் இருக்கும் பிரதமருக்கு எதிராக நதிக்கரையில் பகிரங்கமாக இத்தகைய சடங்குகள் செய்யப்பட்டது பாதுகாப்பு குறித்த கேள்விகளையும் எழுப்பியுள்ளது. இதற்கிடையே, வரவிருக்கும் அரசியல் நகர்வுகளைக் கருத்தில் கொண்டு, தங்களுக்கு எதிரான எதிர்க்கட்சிகள்தான் இத்தகைய சதித்திட்டங்களைச் செய்து இந்த வீடியோவை பரப்பி வருவதாகச் சில அரசியல் தரப்புகள் குற்றம் சாட்டி வருகின்றன.