“மனிதநேயம் செத்துப்போச்சா..?” அப்பாவி மக்கள் மீது கொடூரமாக டிராக்டரை ஏற்றி கொல்ல முயன்ற தாதாக்கள்.. வைரலாகும் அதிர்ச்சி வீடியோ..!!

மனிதர்களிடம் இருப்பதற்கு இதயம் மட்டுமே உள்ளது, ஆனால் மனிதநேயம் என்பது முற்றிலும் இறந்துவிட்டது என்பதை நிரூபிக்கும் வகையில் உத்தரப் பிரதேச மாநிலம் ஹாபூர் மாவட்டத்தில் இருந்து ஒரு அதிர்ச்சியூட்டும் வீடியோ சமூக வலைதளங்களில் வெளியாகியுள்ளது. நிலம், சொத்து, பணம் என அனைத்தும் நாம் இறந்த பிறகு இங்கேயேதான் இருக்கப் போகிறது, ஒரு ஊசி கூட நம்மோடு வரப்போவதில்லை என்ற உண்மையை அறிந்திருந்தும், மனிதர்கள் ஒருவருக்கொருவர் இரத்த வெறி பிடித்த அலைகின்றனர். சட்டவிரோத நில ஆக்கிரமிப்பு தொடர்பாக ஏற்பட்டுள்ள இந்தத் தகராறில், அங்குள்ள தாதாக்கள் மற்றும் ரவுடிகள் சிலர், பொதுமக்களின் உயிரைப் பறிக்கும் நோக்கில் அவர்கள் மீது கொடூரமாக டிராக்டரை ஏற்றி நசுக்க முயலும் நெஞ்சை பதறவைக்கும் காட்சிகள் அந்த வீடியோவில் பதிவாகியுள்ளன.

இந்தக் கொடூரமான நில ஆக்கிரமிப்புப் பிரச்சனை ஒருபுறமிருக்க, அதே வீடியோவின் மற்றொரு பகுதியில் வறுமையின் கோர முகமும், கிராமப்புற மக்களின் அவல நிலையும் அப்பட்டமாக வெளிப்பட்டுள்ளது. முறையான பால வசதி இல்லாத காரணத்தால், ஒரு சிறிய சிறுமி தன் உயிரைப் பணையம் வைத்து ஆபத்தான ஆற்றைக் கடந்து, இந்த கரையில் இருந்து அந்த கரைக்கு நீந்திச் செல்லும் காட்சிகள் பார்ப்பவர்களின் கண்களில் கண்ணீரை வரவழைக்கின்றன. சொத்துக்காக சக மனிதர்களைக் கொல்லத் துணியும் கொடூர குணம் கொண்ட மனிதர்களுக்கு மத்தியில், அன்றாட வாழ்க்கையை நடத்துவதற்கே இத்தகைய பேராபத்துகளைச் சந்திக்கும் ஏழை மக்களின் நிலை, சமூகத்தில் நிலவும் மிகப்பெரிய சமத்துவமின்மையைப் படம் பிடித்துக் காட்டுகிறது.