“FD பணத்திற்கு ஆப்பு..” சக அதிகாரிகளின் ID-ஐ திருடி ரூ.20 கோடி சுருட்டிய பெண் ஊழியர்.. உறைந்துபோன PNB வாடிக்கையாளர்கள்..!!

உத்தரப் பிரதேச மாநிலம் கிரேட்டர் செக்டார் பை-1 பகுதியில் உள்ள பஞ்சாப் நேஷனல் வங்கி கிளையில், தீபான்ஷி என்ற பெண் ஊழியர் வங்கியின் உயர் அதிகாரிகளின் சிபிஎஸ் பயனர் ஐடி மற்றும் கடவுச்சொற்களை சட்டவிரோதமாகப் பயன்படுத்தி, வாடிக்கையாளர்களின் கணக்குகளில் இருந்து பல கோடி ரூபாயை மோசடி செய்துள்ளார். வாடிக்கையாளர்களுக்குத் தெரியாமலும் அவர்களின் அனுமதியின்றியும் பல்வேறு கணக்குகளுக்குப் பணத்தைப் பரிமாற்றம் செய்ததோடு மட்டுமின்றி, நிலையான வைப்புத் தொகைகளில் போலி கூட்டுக் கணக்குதாரர்களை இணைத்து, முதிர்வு காலத்திற்கு முன்பே பணத்தைத் திரும்பப் பெற்றுள்ளார். இந்த மோசடியைக் மறைப்பதற்காக வாடிக்கையாளர்களின் மொபைல் எண்களுக்குச் செல்லும் பரிவர்த்தனை குறுஞ்செய்தி அறிவிப்புகளை முடக்கியும், பரிவர்த்தனை ரசீதுகளை அழித்தும் மிகத் திட்டமிட்டுச் செயல்பட்டுள்ளார்.

இது தொடர்பாக பாதிக்கப்பட்ட வாடிக்கையாளர்கள் அளித்த புகாரின் அடிப்படையில் தற்போது காவல்துறை வழக்குப் பதிவு செய்துள்ளது. இதுவரை 36 வாடிக்கையாளர்கள் கொடுத்த புகார்களின் மூலம் சுமார் 20 கோடி ரூபாய் வரையிலான பிரம்மாண்ட வங்கி மோசடி வெளிச்சத்திற்கு வந்துள்ளது. இந்த மோசடியின் பின்னணியில் இன்னும் பல நூறு வாடிக்கையாளர்களின் பணம் பாதிக்கப்பட்டிருக்கலாம் என அஞ்சப்படுவதால், வரும் நாட்களில் மேலும் பல வாடிக்கையாளர்கள் புகாருடன் முன்வருவார்கள் என எதிர்பார்க்கப்படுகிறது. இச்சம்பவம் வங்கி வாடிக்கையாளர்கள் மத்தியிலும் நிதித்துறையிலும் பெரும் அதிர்ச்சியையும் பரபரப்பையும் ஏற்படுத்தியுள்ளது.