நாடே அதிர்ச்சி..! பள்ளி வகுப்பறைக்குள் மரம் அறுக்கும் வாளுடன் புகுந்த வாலிபர்… ஆசிரியர் பாடம் நடத்தும்போது அரங்கேறிய கொடூரம்.. மாணவி ரத்த வெள்ளத்தில் பலி..!!

ஆந்திர மாநிலம் அனந்தபூரில் உள்ள ஒரு பள்ளியில், 21 வயது இளைஞர் ஒருவர் கையில் பவர் செயின்சா (மின்னணு மரமறுக்கும் வாள்) உடன் வகுப்பறைக்குள் புகுந்து நடத்திய கொடூரத் தாக்குதலில், ஒரு பள்ளி மாணவி பரிதாபமாக உயிரிழந்தார்; மற்றொரு மாணவி படுகாயமடைந்தார். வகுப்பறையில் ஆசிரியர் பாடம் நடத்திக் கொண்டிருந்த போதே இந்தத் துயரச் சம்பவம் அரங்கேறியுள்ளது.

வகுப்பறைக்குள் ஆசிரியர் பாடம் எடுத்துக் கொண்டிருந்த வழக்கமான நேரத்தில், திடீரென நுழைந்த அந்த இளைஞர் தனது கையில் வைத்திருந்த பவர் செயின்சா கருவியைக் கொண்டு மாணவிகளை நோக்கித் தாக்கியுள்ளார். இந்தத் திடீர் தாக்குதலால் வகுப்பறையில் இருந்த மாணவிகள் மற்றும் ஆசிரியர் அலறியடித்துக் கொண்டு ஓடியுள்ளனர். எனினும், தாக்குதலுக்கு ஆளான ஒரு சிறுமி சம்பவ இடத்திலேயே உயிரிழக்க, மற்றொரு சிறுமிக்குக் கடுமையான வெட்டுக் காயங்கள் ஏற்பட்டுள்ளன.

இச்சம்பவம் குறித்துத் தகவலறிந்து விரைந்து வந்த காவல்துறையினர், படுகாயமடைந்த மாணவியை மீட்டு சிகிச்சைக்காக உடனடியாக மருத்துவமனைக்கு அனுப்பி வைத்தனர். பள்ளியில் இத்தகைய கொடூரத் தாக்குதலை நடத்திவிட்டுத் தப்பியோடிய 21 வயது குற்றவாளியைப் பிடிப்பதற்காகப் போலீசார் தனிப்படைகள் அமைத்துத் தீவிரமாகத் தேடி வருகின்றனர்.