“செலக்டர் எங்க உக்காந்துருக்கானோ.. அங்கேயே அடிக்கணும்..” 21 பந்துகளில் ருத்ரதாண்டவம் ஆடிய சூர்யகுமார் யாதவ்..!! – cinefeeds
Connect with us

LATEST NEWS

“செலக்டர் எங்க உக்காந்துருக்கானோ.. அங்கேயே அடிக்கணும்..” 21 பந்துகளில் ருத்ரதாண்டவம் ஆடிய சூர்யகுமார் யாதவ்..!!

Published

on

கடந்த 2026 T20 உலகக் கோப்பையில் இந்திய அணியை வெற்றிக்கு வழிநடத்திய கேப்டன் சூர்யகுமார் யாதவ், தனது மோசமான பேட்டிங் ஃபார்ம் காரணமாக அந்தத் தொடருக்குப் பிறகு உடனடியாக அணியிலிருந்து நீக்கப்பட்டார். மேலும், இந்திய அணியின் கேப்டன் பொறுப்பும் ஸ்ரேயாஸ் ஐயரிடம் ஒப்படைக்கப்பட்டது. இந்தப் பின்னடைவில் இருந்து மீண்டு, மீண்டும் இந்திய அணிக்குள் நுழைய வேண்டும் என்ற முனைப்புடன் போராடி வரும் சூர்யகுமார், தற்போது தேர்வுக்குழுவின் கதவுகளைத் தட்டத் தொடங்கியுள்ளார்.

அதன் ஒரு பகுதியாக, கொல்கத்தாவில் நடைபெற்ற 2026 சையது முஷ்டாக் அலி கோப்பைத் தொடரின் தொடக்க ஆட்டத்தில் (நவம்பர் 14), ஹைதராபாத் அணிக்கு எதிராக மும்பை அணியின் கேப்டனாகக் களமிறங்கிய சூர்யகுமார் யாதவ் அனல் பறக்கும் ஆட்டத்தை வெளிப்படுத்தினார். வெறும் 21 பந்துகளில் 6 பவுண்டரிகள் மற்றும் 5 சிக்சர்களுடன் ஆட்டமிழக்காமல் 60 ரன்களை விளாசித் தள்ளினார். குறிப்பாக, அவர் அடித்த சிக்சர்களில் ஒன்று சால்ட் லேக்கில் உள்ள ஜாதவ்பூர் பல்கலைக்கழகத்தின் 2-வது மைதானத்தைவிட்டே வெளியே பறந்தது. இந்த அதிரடி ஆட்டத்தை பிசிசிஐ தேர்வுக்குழுவின் கிழக்கு மண்டலப் பிரதிநிதி சிவ சுந்தர் தாஸ் மற்றும் ஐபிஎல் ஸ்கௌட்டுகள் நேரில் அமர்ந்து பார்த்தது குறிப்பிடத்தக்கது.

Advertisement

ஆட்டத்திற்குப் பிறகு பேசிய சூர்யகுமார், “எம்.எஸ்.தோனி படத்தில் வருவது போல, ‘தேர்வுக்குழுவினர் எங்கே அமர்ந்திருக்கிறார்களோ, அங்கே அடிக்க வேண்டும்’ என்பதே எனது திட்டமாக இருந்தது. தொடர்ந்து ரன்களைக் குவித்து, 3 முதல் 5-வது வரிசைகளில் இறங்கி ‘ஹை-ரிஸ்க், ஹை-ரிவார்ட்’ ஆட்டத்தை விளையாட முயன்று வருகிறேன்” என்று தெரிவித்தார். பெருமைமிக்க இந்திய அணியின் கேப்டனாக இருந்து திடீரென விலக்கி வைக்கப்பட்ட சூர்யகுமார், தன்னை மீண்டும் நிரூபிக்க எடுத்து வரும் இந்த முயற்சிகளுக்குப் பலன் கிடைக்குமா என்பதைப் பொறுத்திருந்துதான் பார்க்க வேண்டும்.

Advertisement
Continue Reading
Advertisement

Copyright © 2023 www.cinefeeds.in