குரு, சனி பெயர்ச்சி ஏற்படுத்த போகும் மிக பெரிய தாக்கம்..! – நீண்ட கால துன்பத்திலிருந்து விடிவு காலம்..!

ராகு கேது பெயர்ச்சி இந்தாண்டு திருக்கணித பஞ்சாங்கப்படி செப்டம்பர் 23 (புரட்டாசி 7) அன்று நடக்க உள்ளது.

இதில் ராகு மிதுனத்தின் மிருகசீரிடம் 3 நட்சத்திரம் 3ம் பாதத்திலிருந்து ரிஷப ராசியின் மிருகசீரிடம் 2ம் பாதத்திற்கு பெயர்ச்சி ஆகிறார்.

கேது பகவான் தனுசு ராசியின் மூலம் நட்சத்திரம் 1 பாதத்திலிருந்து விருச்சிகத்தில் உள்ள கேட்டை 4ம் பாதத்திற்கு பெயர்கிறார்.

கிரகங்களின் பெயர்ச்சி என்பது இயற்கையானது. ஜோதிடத்தின் அடிப்படையாக இந்த கிரக பெயர்ச்சிகள் பார்க்கப்படுகின்றன.

நம் ஜனன கால ஜாதகத்தில் இருக்கக் கூடிய கிரக அமைப்பு எப்படி முக்கியத்துவம் வாய்ந்ததாகப் பார்க்கப்படுகிறதோ அதே போல கிரக பெயர்ச்சியை வைத்தும், ஜனன கால ஜாதகத்தை வைத்து ஜோதிட பலன்கள் மிகச் சரியாக கணிக்க முடியும் என கருத்து தெரிவிக்கின்றனர்.

ஜோதிட நம்பிக்கை உள்ளவர்கள் பெரிதளவில் கவனிப்பது குரு, சனி பெயர்ச்சிகள். அதைத் தொடர்ந்து முக்கியத்துவம் பெறுவது ராகு கேது பெயர்ச்சி 2020.

நிழல் கிரகங்களாக இருந்தாலும் நமக்கு கிடைக்கக் கூடிய பலன்களில் பெரியளவில் மாற்றத்தைத் தரக்கூடியதாக ராகு கேது அமையக் கூடும்.

​உலகிற்கு விடிவு காலம்
தனுசு ராசியில் சனி, குரு, கேது என கிரகங்கள் அமைந்து உலகிற்கு கேடு விளைவிக்கும் பல நிகழ்வுகள் நடந்தேறின.

தற்போது நடக்க உள்ள ராகு கேது பெயர்ச்சி காரணமாக தனுசிலிருந்து விருச்சிகத்திற்கு கேது பெயர்வதால் பல நன்மை ஏற்படும் அமைப்பு உள்ளது.

மோசமான கிரக கூட்டணியிலிருந்து கேது விலகியதே அனைவருக்கு ஒரு நல்ல அமைப்பாகும். தனுசு ராசிக்கு 12ம் இடமான விரய, மோட்ச ஸ்தானத்தில் கேது சஞ்சரிக்க உள்ளார்.

செவ்வாய் அதிபதியாக கொண்ட விருச்சிக ராசியில் கேது இருப்பதால் சுப விரய செலவுகள் ஏற்படும். அதாவது புதிய வீடு, மனை வாங்குதல். பழைய வீடு புதுப்பித்தல். திருமணம் உள்ளிட்ட சுப செலவுகள் ஏற்படக் கூடும்.

அதே போல் நோய், எதிரி ஸ்தானமான 6ல் ராகு வருவதும் தனுசுக்கு குறிப்பிடத்தகுந்த நல்ல பலன்களைத் தரக்கூடும். எதிரிகள் தொல்லை குறையும், போட்டிகள் குறைந்து வெற்றி பாதை எளிதாகும். இதுவரை இந்த உடல் ஆரோக்கிய பிரச்னையில் நல்ல முன்னேற்றம் இருக்கும்.

வாக்கிய பஞ்சாங்கப்படி பார்த்தால் திருக்கணித பஞ்சாங்க அமைப்பை விட சரியாக பலன்கள் கணிக்க வாய்ப்புள்ளதாக இருக்கின்றன. ஏனெனில் வாக்கிய பஞ்சாங்கப்படி 9ல் சனி இருக்கும் போது தான் கொரோனா போன்ற பெரும் பிரச்னைகள் ஏற்பட்டன.

​குரு, சனி பெயர்ச்சி எப்படி தாக்கத்தை ஏற்படுத்தும்
ராகு கேது பெயர்ச்சி நடந்த ஒன்றரை மாதத்தில் குரு பெயர்ச்சி ஆவதால், உங்களின் சொத்துக்கள் புதுப்பிக்க வாய்ப்புக்கள் உண்டு. புதிய சொத்துக்கள் வாங்கும் அனுகூலமும் உண்டு.

அடுத்து நடக்க உள்ள சனி பெயர்ச்சியின் காரணமாக வீட்டில் குடும்ப உறுப்பினர்களின் எண்ணிக்கை அதிகரிக்கும். அதாவது திருமண உறவினால் புதிய வரவும். குழந்தை பேறு மூலம் குடும்பத்தில் எண்ணிக்கை கூடுவதோடு மகிழ்ச்சியும் அதிகரிக்கும்.

​எச்சரிக்கையாக இருக்க வேண்டிய அமைப்பு
சனி பெயர்ச்சியின் போது தனுசு ராசிக்கு பாத சனி ஆரம்பிக்கும். இந்த காலத்தில் புதிய சொத்துக்கள் வாங்கும் யோகம் உண்டு. ஆனால் அதனால் கடன் உண்டாகவும் வாய்ப்புள்ளது. சிறியளவில் கடன் வாங்கி சொத்துக்கள் சேர்க்கை செய்து கொள்ளலாம். பெரிய கடன் வேண்டாம்.

திருமணம், சொத்து வாங்குதல் போன்ற நல்ல சுப விரய செலவுகள் ஏற்படும்.

எக்காரணம் கொண்டும் யாருக்காகவும் ஜாமின் கையெழுத்து போட வேண்டாம். அதனால் விரயம் ஆகும். நண்பர்களாக இருந்தால் அவர்களுக்கு உதவி செய்யலாம் ஜாமின் கையெழுத்து வேண்டாம்.

கணவன் மனைவி அன்பாக இருங்கள். சண்டை சச்சரவு வேண்டாம். சண்டையினால் வார்த்தைகள் பெரிய பாதிப்பை ஏற்படுத்தும். குடும்பம் பிரியக் கூடிய நிலை உண்டு. அதனால் சொல், செயலில் நிதானத்தைக் கடைப்பிடிக்கவும்.

பரிகாரம்:
ராகு கேது பரிகார பூஜை செய்து கொள்வது நல்லது. சனி பகவானுக்கு வாய்ப்பு கிடைக்கும் போதெல்லாம் நல்லெண்ணெய் தீபம் ஏற்றி வழிபடவும்.