டேய் என்னதுடா இது..? டெல்லி விமான நிலையத்தில் பயணியின் பேக்கில் சிக்கிய மண்டை ஓடு.. அதிர்ச்சியில் ஆடிப்போன அதிகாரிகள்… பின்னணியில் பில்லி சூனியமா..?!

டெல்லி இந்திரா காந்தி சர்வதேச விமான நிலையத்தில், ஹைதராபாத் செல்லவிருந்த ஒரு பயணியின் கைப்பையை எக்ஸ்-ரே பரிசோதனை செய்தபோது சந்தேகத்திற்கிடமான பொருள் ஒன்று கண்டறியப்பட்டது. பையைச் சோதித்த மத்திய தொழில்துறை பாதுகாப்புப் படை வீரர்கள், அதில் ஒரு மண்டை ஓடு இருப்பதைக் கண்டு அதிர்ச்சியடைந்தனர். விசாரணையில் அது குரங்கின் மண்டை ஓடு என பயணி கூறிய நிலையில், வனவிலங்கு பாதுகாப்பு மற்றும் கடத்தல் தடுப்புச் சட்டங்களின் கீழ் மேலதிக சட்ட நடவடிக்கைக்காக அவர் டெல்லி காவல்துறையிடம் ஒப்படைக்கப்பட்டார்.

இந்தச் சம்பவத்தின் புகைப்படம் சமூக ஊடகங்களில் வெளியான சில மணி நேரங்களிலேயே 62,000-க்கும் மேற்பட்ட பார்வைகளைப் பெற்று வைரலானது. அந்தப் புகைப்படத்தில் மண்டை ஓட்டுடன் சில சிறிய குழாய்கள் மற்றும் உலோகப் பொருட்களும் இருந்ததால், இணையவாசிகள் பலர் இதைச் சூனியம், மாந்திரீகம் மற்றும் கருப்பு மந்திர சடங்குகளுடன் தொடர்புபடுத்தி பல்வேறு ஆச்சரியமான கருத்துகளைப் பகிர்ந்து வரத் தொடங்கினர்.

https://x.com/CISFHQrs/status/2087360767498797177?ref_src=twsrc%5Etfw%7Ctwcamp%5Etweetembed%7Ctwterm%5E2087360767498797177%7Ctwgr%5Eb74df97b48146dcffbafa96b259acc401ec903dd%7Ctwcon%5Es1_c10&ref_url=https%3A%2F%2Fnavbharattimes.indiatimes.com%2Fviral%2Fviral-news%2Fcisf-detects-skull-concealed-in-passenger-hand-baggage-at-igi-airport-new-delhi%2Farticleshow%2F133177677.cms

அந்தப் பயணி குரங்கு மண்டை ஓட்டை எங்கிருந்து பெற்றார் என்றும், அதை ஹைதராபாதுக்கு எடுத்துச் சென்று என்ன செய்ய திட்டமிட்டிருந்தார் என்றும் டெல்லி காவல்துறை தீவிரமாக விசாரித்து வருகிறது. இந்த விசித்திரச் சம்பவம் இணையத்தில் பெரும் மர்மத்தையும் பரபரப்பையும் ஏற்படுத்தியுள்ள அதே வேளையில், விமான நிலைய பாதுகாப்புப் படையினரின் விழிப்புணர்வுக்கும் பாராட்டுகள் குவிந்து வருகின்றன.