“அய்யயோ.. சாமி கும்பிட்ட பெண்ணுக்கு நேர்ந்த கொடூரம்..” மின்னல் வேகத்தில் வந்த கொள்ளையன்.. கண் இமைக்கும் நேரத்தில் நடந்த அதிர்ச்சி.. சிசிடிவியில் சிக்கிய பகீர் காட்சி..!!

கர்நாடக மாநிலம் பெலகாவி திலக்வாடி பகுதியில் உள்ள மேஜர் ராமசாமி அவென்யூ மிலிட்டரி லட்சுமி கோவில் அருகே, கடந்த வெள்ளிக்கிழமை இரவு சுமார் 7.20 மணியளவில் சாமி கும்பிட வந்த பெண் ஒருவரிடம் மர்ம நபர்கள் தங்கச் சங்கிலியைப் பறித்துச் சென்ற துணிகரச் சம்பவம் அப்பகுதியில் பெரும் பரபரப்பை ஏற்படுத்தியுள்ளது. மோட்டார் சைக்கிளில் வந்த இரு கொள்ளையர்களில் ஒருவன், யாரும் எதிர்பாராத நேரத்தில் கோவிலுக்குள் நுழைந்து அங்கிருந்த பெண்ணின் கழுத்தில் இருந்த தங்கச் சங்கிலியைக் கண் இமைக்கும் நேரத்தில் பறித்துள்ளான். பின்னர் மின்னல் வேகத்தில் வெளியே ஓடிவந்து, தயார் நிலையில் காத்திருந்த மற்றொரு கொள்ளையனின் மோட்டார் சைக்கிளில் ஏறி இருவரும் சம்பவ இடத்திலிருந்து தப்பியோடிவிட்டனர்.

கோவிலுக்குள் புகுந்து சங்கிலி பறிப்பில் ஈடுபட்ட கொள்ளையர்களின் இந்த அதிர்ச்சியூட்டும் கைவரிசை அங்கிருந்த சிசிடிவி கேமராவில் மிகத் தெளிவாகப் பதிவாகியுள்ளது. தகவலறிந்து சம்பவ இடத்திற்கு விரைந்து வந்த திலக்வாடி போலீசார், இந்தச் சங்கிலி பறிப்பு தொடர்பான சிசிடிவி காட்சிகளைக் கைப்பற்றி தீவிரமாக ஆய்வு செய்து வருகின்றனர். மக்கள் நடமாட்டம் மிகுந்த கோவில் வளாகத்தில் அரங்கேறிய இந்தத் துணிகரக் கொள்ளைச் சம்பவம் அப்பகுதி நுகர்வோர் மற்றும் பொதுமக்களிடையே பெரும் அச்சத்தை ஏற்படுத்தியுள்ள நிலையில், தப்பியோடிய மர்ம நபர்களைப் பிடிக்கப் போலீசார் தீவிர வலைவீசித் தேடி வருகின்றனர்.