அடப்பாவி.. பட்டப்பகலில் நடுரோட்டில் நடந்த கூத்து.. அசால்ட்டாக கழற்றப்பட்ட ‘மகிந்திரா தார்’ டயர்… போலீஸாரையே அதிரவைத்த சிசிடிவி..!!

ஹைதராபாத் மலக்பேட் அக்பர் பாக் பகுதியில், பட்டப்பகலில் மக்கள் நடமாட்டம் அதிகம் உள்ள நேரத்தில் ‘மகிந்திரா தார்’ காரின் பின்னால் பொருத்தப்பட்டிருந்த மாற்று டயர் திருடப்பட்ட துணிகரச் சம்பவம் அப்பகுதி மக்களிடையே பெரும் அதிர்ச்சியை ஏற்படுத்தியுள்ளது. அதிநவீன பாதுகாப்பு வசதிகள் கொண்ட தார் காரின் டயரை, திருடர்கள் மிக லாவகமாகக் கழற்றித் திருடிச் சென்றுள்ளனர். இந்தத் துணிகரத் திருட்டுச் சம்பவம் அப்பகுதியில் வாகனப் பாதுகாப்பு மற்றும் காவல்துறையின் ரோந்துப் பணிகள் குறித்த பலத்த கேள்விகளை எழுப்பியுள்ளது.

பட்டப்பகலிலேயே குடியிருப்புப் பகுதியில் அரங்கேறிய இந்தத் திருட்டு குறித்து காரின் உரிமையாளர் மலக்பேட் காவல் நிலையத்தில் புகார் அளித்துள்ளார். புகாரின் பேரில் வழக்குப் பதிவு செய்துள்ள போலீசார், அப்பகுதியில் உள்ள சிசிடிவி கேமரா காட்சிகளை ஆய்வு செய்து திருடர்களைத் தீவிரமாகத் தேடி வருகின்றனர். விலை உயர்ந்த கார்களின் பாகங்கள் குறிவைத்துத் திருடப்படும் இத்தகைய சம்பவங்களால், வாகன உரிமையாளர்கள் தங்களது கார்களைப் பொதுவெளியில் நிறுத்தவே அச்சமடையும் சூழ்நிலை உருவாகியுள்ளது.