படுக்கையறையில் தொங்கிய சேலைக் கயிறு.. திருமணமான சில நாட்களிலேயே புதுப்பெண்ணுக்கு நேர்ந்த விபரீதம்.. பரபரப்பு பின்னணி..!!

உத்தரப் பிரதேச மாநிலம் அலிகார் மாவட்டத்திலுள்ள பகரோலா கிராமத்தில், சோனம் என்ற புதுப்பெண் தனது புகுந்த வீட்டில் தூக்கில் தொங்கிய நிலையில் சடலமாகக் கண்டெடுக்கப்பட்ட சம்பவம் பெரும் அதிர்ச்சியை ஏற்படுத்தியுள்ளது. சோனம் என்பவருக்கும் ஆகாஷ் பாஸ்வான் என்ற இளைஞருக்கும் அண்மையில்தான் திருமணம் நடைபெற்றது. இந்த நிலையில், சோனம் தனது படுக்கையறையில் சேலையால் செய்யப்பட்ட தூக்குக் கயிற்றில் தொங்கிய நிலையில் சடலமாக மீட்கப்பட்டுள்ளார்.

இந்தச் சம்பவம் குறித்துத் தகவல் அறிந்து வந்த போலீசார், சோனமின் உடலைக் கைப்பற்றிப் பிரேத பரிசோதனைக்காக மருத்துவமனைக்கு அனுப்பி வைத்தனர். இந்த மரணம் தற்கொலையாக இருக்கலாம் என்று முதற்கட்ட தகவல்கள் வெளியான போதிலும், திருமணமான சில நாட்களிலேயே புதுப்பெண் தூக்கிட்டு தற்கொலை செய்துகொண்டதன் பின்னணியில் ஏதேனும் குடும்பத் தகராறு அல்லது வரதட்சணைக் கொடுமைகள் காரணமா என்ற கோணத்தில் அலிகார் போலீசார் தீவிர விசாரணை மேற்கொண்டு வருகின்றனர்.