“ஐயோ தூண் விழுது ஓடுங்க..” அலறியடித்து ஓடிய தொழிலாளி.. இறுதியில் நிலை தடுமாறி நேர்ந்த விபரீதம்.. நெஞ்சை பதறவைக்கும் வீடியோ..!1

வியட்நாமின் லாம் டோங் மாகாணத்தில் உள்ள பி’லாவோ வார்டு பகுதியில், தனது வீட்டின் இரும்பு வாயிலைக் கழற்றும் பணியில் ஈடுபட்டிருந்த 43 வயது தொழிலாளி திரு. என்.சி.க்யூ என்பவர் கான்கிரீட் தூண் சரிந்து விழுந்த விபத்தில் பரிதாபமாக உயிரிழந்தார். சுயதொழில் செய்யும் திரு. கியூ மற்றும் மற்றொரு நபர், செப்டம்பர் 5 அன்று காலை 11:30 மணியளவில் டோ ஹூ தெருவில் உள்ள ஒரு வீட்டின் நுழைவாயில் கதவைக் கழற்றி வேறு இடத்திற்கு மாற்றும் வேலையில் ஈடுபட்டிருந்தனர். அப்போது, எதிர்பாராத விதமாக அந்த ராட்சத வாயில் தூண் திடீரென இடிந்து சரிந்து விழுந்துள்ளது.

கான்கிரீட் தூண் சரிவதைக் கண்ட திரு. கியூ அங்கிருந்து தப்பிப்பதற்காக அலறியடித்துக்கொண்டு ஓடியுள்ளார். ஆனால் துரதிர்ஷ்டவசமாக அவர் நிலைதடுமாறி கீழே விழுந்ததில், சரிந்து விழுந்த அந்தப் பெரிய கான்கிரீட் தூண் அவர் மீது பயங்கரமாக மோதியதில் பலத்த காயமடைந்தார். உள்ளூர் மக்கள் அவரை உடனடியாக மீட்டு அவசர சிகிச்சைக்காக மருத்துவமனைக்குக் கொண்டு சென்ற போதிலும், அவர் சிகிச்சை பலனின்றி பரிதாபமாக உயிரிழந்தார். இச்சம்பவம் குறித்துத் தகவல் அறிந்த உள்ளூர் அதிகாரிகள் சம்பவ இடத்தைச் சுற்றி வளைத்து, இந்த விபத்துக்கான காரணம் குறித்துத் தீவிர விசாரணை நடத்தி வருகின்றனர்.