“அவனுக்கு மரண தண்டனை கொடுங்க..!”3.5 வயது குழந்தையை ஆசை வார்த்தை கூறி கூட்டிச் சென்ற பாவி.. கதவைத் திறந்த தாய்க்கு காத்திருந்த மெகா ஷாக்.. இணையத்தில் வைரலாகும் கண்ணீர் வீடியோ..!!

பங்களாதேஷின் ரஜோயர் உபஜிலாவில் உள்ள மொய்ஷுபூர் பகுதியில், 3.5 வயது பெண் குழந்தை ஒன்று அண்டை வீட்டுக்காரரால் கொடூரமான முறையில் பாலியல் வன்கொடுமைக்கு ஆளாக்கப்பட்ட அதிர்ச்சிச் சம்பவம் வெளிச்சத்திற்கு வந்துள்ளது. வீட்டில் யாரும் இல்லாத நேரத்தைப் பயன்படுத்திக் கொண்ட அதே கிராமத்தைச் சேர்ந்த அண்டை வீட்டு நபர், அந்தக் குழந்தைக்கு ஆசை வார்த்தைகளைக் கூறித் தனது வீட்டிற்கு அழைத்துச் சென்று இந்த மனிதாபிமானமற்ற கொடூரச் செயலை அரங்கேற்றியுள்ளார். குழந்தையின் தாய் ஏதோ தவறு நடப்பதை உணர்ந்து, சந்தேகத்தின் பேரில் கதவைத் திறந்தபோது அந்த நபர் அங்கிருந்து தப்பியோடியுள்ளார். தற்போது ஆபத்தான நிலையில் உள்ள அந்தப் பெண் குழந்தை, காவல்துறையினரின் உதவியுடன் அவசரச் சிகிச்சைக்காக மருத்துவமனையில் அனுமதிக்கப்பட்டு உயிருக்குப் போராடி வருகிறது.

இந்தக் கொடூரச் சம்பவத்தைத் தொடர்ந்து, குற்றவாளிக்கு மரண தண்டனை வழங்கக் கோரிப் பாதிக்கப்பட்ட குழந்தையின் தாய் கண்ணீர் மல்க நீதி கேட்டு அலறும் வீடியோ சமூக வலைத்தளங்களில் வைரலாகி வருகிறது. “என் ஒரே மகளுக்கு நேர்ந்த இந்த அநீதியை என்னால் மன்னிக்கவே முடியாது, நீதிமன்றம் உடனடியாக அந்த நபருக்கு மரண தண்டனை வழங்க வேண்டும்” என்று அவர் கதறி அழுதுள்ளார். இந்தச் சம்பவம் அப்பகுதியில் பெரும் கொந்தளிப்பை ஏற்படுத்திய நிலையில், காவல்துறையினரும் உள்ளூர் பொதுமக்களும் பாதிக்கப்பட்ட குடும்பத்தினருக்கு ஆதரவாக சம்பவ இடத்தில் திரண்டுள்ளனர். இதற்கிடையில், இந்தச் சம்பவத்தின் பின்னணியில் “இஸ்லாமிய தீவிரவாதிகள்” இருப்பதாக சமூக ஊடகங்களில் பரவிய தகவல் முற்றிலும் வதந்தி என்றும், இது தனிப்பட்ட முறையில் அண்டை வீட்டுக்காரரால் நடத்தப்பட்ட குற்றச்செயல் என்றும் ஊடக ஆய்வில் உறுதி செய்யப்பட்டுள்ளது.