“பெற்றோர்களே உஷார்… இது இல்லையென்றால் பிஎம் கேர்ஸ் உதவித்தொகை கிடைக்காதா..? மத்திய அரசு அதிரடி அறிவிப்பு..!!”

‘பிஎம் கேர்ஸ் ஃபார் சில்ட்ரன்’ திட்டத்தின் கீழ் கல்வி உதவித்தொகையைப் பெறுவதற்கு, ஆதார் அங்கீகாரம் அல்லது ஆதார் எண் வைத்திருப்பதற்கான ஆதாரத்தைச் சமர்ப்பிப்பதை மத்திய அரசு கட்டாயமாக்கியுள்ளது. இருப்பினும், ஆதார் அங்கீகாரம் செய்யத் தவறியதாலோ அல்லது ஆதார் எண் இல்லாததாலோ எந்தவொரு குழந்தையும் இந்த உதவியைப் பெறுவதிலிருந்து தடுக்கப்பட மாட்டார்கள் என்பதை அரசு தெளிவுபடுத்தியுள்ளது.

சமூக நீதி அமைச்சகம் வெளியிட்ட அறிவிக்கையில், ‘பிஎம் கேர்ஸ் ஃபார் சில்ட்ரன்’ திட்டத்தின் கீழ் உள்ள சிறப்பு கல்வி உதவித்தொகை திட்டத்தின் பயனாளிகள் ஆதார் அங்கீகாரத்தைச் செய்ய வேண்டும் அல்லது ஆதார் எண் வைத்திருப்பதற்கான ஆதாரத்தைச் சமர்ப்பிக்க வேண்டும் என்று தெரிவிக்கப்பட்டுள்ளது. இந்தத் திட்டத்தின் கீழ் பலன்களைப் பெற விரும்பும் நபர், ஆதார் அங்கீகாரத்தைச் செய்ய வேண்டும் அல்லது ஆதார் எண் வைத்திருப்பதற்கான ஆதாரத்தைச் சமர்ப்பிக்க வேண்டும் என்றும் அதில் குறிப்பிடப்பட்டுள்ளது.

அதேவேளையில், ஆதார் மூலம் அடையாளத்தை உறுதிப்படுத்தத் தவறிய குழந்தைகளுக்கோ, ஆதார் எண் இல்லாத குழந்தைகளுக்கோ அல்லது ஆதார் எண்ணைப் பெற விண்ணப்பித்தும் கிடைக்கப்பெறாத குழந்தைகளுக்கோ இந்தத் திட்டத்தின் கீழ் கிடைக்க வேண்டிய பலன்கள் மறுக்கப்படாது என்றும் கூறப்பட்டுள்ளது. இத்தகைய சூழல்களில், உரிய ஆவணங்களின் அடிப்படையில் குழந்தையின் அடையாளத்தையும் பெற்றோர் அல்லது சட்டப்பூர்வ பாதுகாவலருடனான உறவையும் சரிபார்த்த பிறகே பலன்கள் வழங்கப்படும். மேலும், இதுவரை ஆதார் எண் இல்லாதவர்கள் பெற்றோர் அல்லது பாதுகாவலரின் ஒப்புதலுடன் விண்ணப்பிக்க வேண்டும் என்றும், அதை அந்தந்தத் துறை உறுதி செய்யும் என்றும் தெரிவிக்கப்பட்டுள்ளது.