“வேற எப்படித்தான் டிரஸ் பண்றது?” தாவணி அணிந்தாலும் விடமாட்டீங்களா? மேடையிலேயே குமுறிய பிக்பாஸ் வின்னர் திவ்யா கணேஷ்…!”

‘பாக்கியலட்சுமி’ சீரியல் மூலம் புகழ்பெற்ற நடிகையும், பிக்பாஸ் நிகழ்ச்சியின் வெற்றியாளருமான திவ்யா கணேஷ், அண்மையில் தனது புகைப்படங்கள் தவறாகச் சித்திரிக்கப்படுவது குறித்து மிகுந்த ஆதங்கத்தை வெளிப்படுத்தியுள்ளார். குறிப்பாக, அவர் பிக்பாஸ் வீட்டில் பொங்கல் கொண்டாட்டத்தின் போது அணிந்திருந்த கண்ணியமான உடை தொடர்பான புகைப்படங்களைச் சில சமூக வலைதளப் பக்கங்கள் தவறான கோணத்தில் எடிட் செய்து பகிர்ந்து வருவது பெரும் சர்ச்சையை ஏற்படுத்தியுள்ளது.

இது குறித்து எழுப்பப்பட்ட கேள்விக்கு பதிலளித்த திவ்யா, “ஏண்டா, நல்ல முறையில் உடை அணிந்தாலும் இப்படி எடிட் செய்கிறீர்களே? வேறு எப்படித்தான் உடை அணிவது?” என மிகவும் வேதனையுடன் கேட்டுள்ளார். கண்ணியமான முறையில் தாவணி அணிந்து இருந்தபோதும், அதனை ஆபாசமான கோணத்தில் புகைப்படங்களாக மாற்றிப் பரப்புபவர்களை நோக்கி அவர் தனது கண்டனத்தைப் பதிவு செய்துள்ளார்.

 திவ்யாவின் இந்த துணிச்சலான பேச்சு சமூக வலைதளங்களில் வைரலாகி வருகிறது. பிரபலங்கள் குறித்த போலிச் செய்திகளும், தவறான புகைப்பட எடிட்டிங் முறைகளும் அதிகரித்து வரும் நிலையில், அதற்கு நேரடியாகக் குரல் கொடுத்த திவ்யாவுக்குப் பலரும் தங்களது ஆதரவைத் தெரிவித்து வருகின்றனர். நாகரிகமான உடையில் இருப்பவர்களைக் கூட விட்டுவைக்காத சமூக வலைதள அவதூறுகளைக் கண்டித்து ரசிகர்கள் கருத்து தெரிவித்து வருகின்றனர்.