“ஒரே வாரத்தில் 10 ஆட்டம் பாம்…?” ஈரானின் அசுர பலத்தால் அதிர்ந்து போன டொனால்ட் டிரம்ப்… வெளியான பரபரப்பு தகவல்…!!

நீண்ட காலப் பகைமைக்கு முற்றுப்புள்ளி வைக்கும் வகையில், அமெரிக்காவும் ஈரானும் போர் நிறுத்தம் மற்றும் ஹார்முஸ் நீரிணையை மீண்டும் திறப்பதற்கான அமைதி உடன்படிக்கையை நோக்கி நகர்ந்து வருகின்றன. இருப்பினும், ஈரானிடம் உள்ள செறிவூட்டப்பட்ட யுரேனிய இருப்பு இரு நாடுகளுக்கு இடையேயான முதன்மைப் பிரச்சனையாக உருவெடுத்துள்ளது.

தற்போது ஈரானிடம் 60 சதவீத தூய்மையுடன் கூடிய சுமார் 440 கிலோ யுரேனியம் கையிருப்பில் உள்ளது. இந்த அணுப் பொருளை ஈரான் முழுமையாக ஒப்படைக்க வேண்டும் என்று அமெரிக்க அதிபர் டொனால்ட் டிரம்ப் பிடிவாதமாக வலியுறுத்துகிறார். ஆனால், தங்களின் பொதுப் பயன்பாட்டு அணுசக்தித் திட்டத்திற்கு இது தங்களுக்குரிய சட்டப்பூர்வமான உரிமை என்று கூறி ஈரான் அமெரிக்காவின் நிபந்தனையை நிராகரித்துள்ளது.

அணுசக்தி நிபுணர்களின் கூற்றுப்படி, அணு ஆயுதம் தயாரிக்க 90 சதவீத தூய்மையான யுரேனியம் தேவை என்றாலும், ஈரானிடம் உள்ள நவீன உலைகளைக் கொண்டு தற்போதைய இருப்பை மிகக் குறுகிய காலத்தில் ஆயுதத் தரத்திற்கு மாற்ற முடியும். இந்த உயர் செறிவூட்டப்பட்ட யுரேனியத்தைச் சுத்திகரிப்பதன் மூலம், ஈரானால் தோராயமாக 10 அணு ஆயுதங்களை மிக எளிதாக உருவாக்க முடியும் என்று சர்வதேச ஆய்வாளர்கள் எச்சரிக்கின்றனர்.

அமெரிக்காவின் முன்னாள் உளவுத்துறை அதிகாரிகள், இந்த அணுசக்திப் பொருட்களை முழுமையாக அகற்றும் நிபந்தனை இல்லாமல் எந்தவொரு உடன்படிக்கையையும் வாஷிங்டன் ஏற்கக் கூடாது என்று வலியுறுத்துகின்றனர். இதனால் இந்த அணுசக்தி விவகாரம் ஒட்டுமொத்த அமைதிப் பேச்சுவார்த்தையின் முடிவை மாற்றும் முக்கிய காரணியாக மாறியுள்ளது.