அமைச்சர் பதவிக்கு ஆசைப்பட்டு போனாங்க.. ஆனா விஜய் பெரிய அண்டாவுல அல்வா கிண்டி குடுத்துட்டாரு.. தவெகவுக்கு தாவிய எம்எல்ஏக்களை வறுத்தெடுத்த எடப்பாடி பழனிசாமி…!!!

அதிமுக பொதுச் செயலாளர் எடப்பாடி பழனிசாமி செய்தியாளர்களைச் சந்தித்தபோது, தமிழகத்தில் தவெக ஆட்சி நடக்கிறதா என்ற சந்தேகமே மக்களுக்கு உள்ளதாகக் கூறி முதலமைச்சர் விஜய்யை மிகக் கடுமையாகக் கிண்டல் செய்துள்ளார். தவெக ஆட்சியில் எவ்வித ஆக்கபூர்வமான பணிகளும் நடக்கவில்லை என விமர்சித்த அவர், முதலமைச்சர் விஜய் வெறும் பஞ்ச் டயலாக் மட்டுமே பேசி 4-ஆம் தர பேச்சாளரைப் போலச் செயல்படுவதாகச் சாடினார். மேலும், விஜய்யின் நாற்காலியில் ஒரு கால் ‘இரவல் கால்’ என்றும், அது இடறினால் தவெக அரசு கவிழ்ந்துவிடும் என்றும் எச்சரித்தார்.

அதிமுக சின்னத்தில் போட்டியிட்டு வென்ற எம்எல்ஏக்கள் சிலர், தவெக அரசு அமைந்தால் அமைச்சர் பதவி கிடைக்கும் என்ற ஆசையில் கட்சி தாவியதை எடப்பாடி பழனிசாமி சுட்டிக்காட்டினார். வேறு இடத்திற்குச் சென்றால் பெரிய பதவி கிடைக்கும் என நம்பிச் சென்ற அந்த எம்எல்ஏக்களுக்கு, முதலமைச்சர் விஜய் ஒரு ‘பெரிய அண்டாவில் அல்வா கிண்டி கொடுத்து ஏமாற்றிவிட்டார்’ என்று காரசாரமாகக் கிண்டலடித்தார். இதன் மூலம் அமைச்சர் பதவிக்கு ஆசைப்பட்டுச் சென்றவர்கள் ஏமாற்றமே மிஞ்சியதாக அவர் குறிப்பிட்டார்.

தொடர்ந்து தவெக அரசின் நிர்வாகக் குளறுபடிகளைச் சாடிய இபிஎஸ், முதலமைச்சர் விஜய் தனது ‘ஜனநாயகன்’ திரைப்படத் தயாரிப்பாளரை டெல்லி சிறப்பு அதிகாரியாக நியமித்துள்ளதாகக் குற்றம்சாட்டினார். இதே நிலை நீடித்தால் வரும் நாட்களில் தனது மேக்கப் மேனுக்கும் விஜய் ஏதேனும் ஒரு அரசுப் பதவியைக் கொடுத்துவிடுவார் என்றும், இதனால் தவெக ஆட்சியில் ஒட்டுமொத்த அரசாங்கமே கேள்விக்குறியாகிவிட்டதாகவும் எடப்பாடி பழனிசாமி மிகத் தீவிரமான அரசியல் குற்றச்சாட்டுகளை முன்வைத்தார்.