ச்சீ அருவருப்பு..! “சிக்கனுக்குள் இருந்த காண்டம்?” -மென்றுகொடுத்த கஸ்டமரை பார்த்து சிரித்த ஊழியர்கள்.. பிரபல உணவகத்திற்கு ரூ.12.5 கோடி ஆப்பு..!!

அமெரிக்காவின் பிரபல போப்பீஸ் உணவகத்தில் வாங்கப்பட்ட வறுத்த கோழிக்கறியில் காண்டம் போன்ற ஒரு பொருள் இருந்ததாகக் கூறி, டெக்சாஸ் தம்பதியினர் அந்த நிறுவனத்தின் மீது ₹12.5 கோடிக்கும் அதிகமாக நஷ்டஈடு கேட்டு நீதிமன்றத்தில் வழக்கு தொடர்ந்துள்ளனர். ஜஸ்டின் ஹோவர்ட் மற்றும் டேனியல் மெக்கின்னன் என்ற அந்தத் தம்பதியினர், ஹூஸ்டன் நகரில் உள்ள போப்பீஸ் கிளையில் கடந்த ஜூலை 25 அன்று உணவை வாங்கியுள்ளனர். ஜஸ்டின் சிக்கனை கடித்த போது, அதற்குள் காண்டம் போன்ற ஒரு விசித்திரமான பொருள் ஒட்டியிருந்ததைக் கண்டு அதிர்ச்சியடைந்துள்ளார்.

இந்த அருவருப்பான சம்பவத்தால் தங்களுக்குக் கடுமையான குமட்டல் ஏற்பட்டதாகவும், ஏற்கனவே அசுத்தமான உணவை உட்கொண்டிருப்போமோ என்ற அச்சம் உங்களை வாட்டியதாகவும் தம்பதியினர் தங்களது மனுவில் குறிப்பிட்டுள்ளனர். மேலும், இதுகுறித்து உணவக நிர்வாகத்திடம் புகார் அளிக்கச் சென்ற போது, அங்கிருந்த ஊழியர்கள் இவர்களைப் பார்த்துப் பரிகாசம் செய்து சிரித்ததாகக் கூறப்படுகிறது. பணத்தைத் திரும்பத் தராமல், அதற்குப் பதிலாகப் புதிய சிக்கன் ஆர்டரை மாற்றிக் கொள்ளுமாறு ஊழியர்கள் அலட்சியமாக வற்புறுத்தியதாகவும், நீண்ட போராட்டத்திற்குப் பிறகே பணம் திரும்பக் கிடைத்ததாகவும் அவர்கள் குற்றம் சாட்டியுள்ளனர்.

பாதுகாப்பற்ற முறையில் உணவைக் கையாளுதல் மற்றும் நுகர்வோர் பாதுகாப்புச் சட்டத்தை மீறுதல் போன்ற காரணங்களுக்காகப் போப்பீஸ் நிறுவனத்தின் தாய் நிறுவனமான ‘ரெஸ்டாரண்ட் பிராண்ட்ஸ் இன்டர்நேஷனல்’ மீதும், உள்ளூர் உரிமையாளர் மீதும் ஆகஸ்ட் 3 அன்று ஹாரிஸ் கவுண்டி நீதிமன்றத்தில் இந்த வழக்கு பதிவு செய்யப்பட்டுள்ளது. இந்த விவகாரம் டெக்சாஸ் பகுதியில் பெரும் பரபரப்பை ஏற்படுத்தியதை அடுத்து, சம்பந்தப்பட்ட உணவகக் கிளையில் கோழிக்கறி விற்பனையைத் தற்காலிகமாக நிறுத்த வேண்டும் என்று சமூக ஆர்வலர்கள் தற்பொழுது வலியுறுத்தி வருகின்றனர்.