பயங்கரம்..! “யார்கிட்ட போனில் பேசுற..?” சந்தேகத்தில் மனைவி தலையில் கல்லை போட்டு கணவன் கொடூரக் கொலை.. அழுகிய நிலையில் சாக்கடையில் மீட்கப்பட்ட உடல்.!!

கர்நாடக மாநிலத் தலைநகரான பெங்களூருவில், தன் மனைவி வேறு ஒருவருடன் தொலைபேசியில் பேசுவதாகச் சந்தேகப்பட்டு, கணவனே மனைவியைக் கொடூரமான முறையில் கொலை செய்து உடலைச் சாக்கடைக் கால்வாயில் வீசிய கொடூரச் சம்பவம் வெளிச்சத்திற்கு வந்துள்ளது. பீகார் மாநிலத்தைச் சேர்ந்த முகமது இர்பான் (22) என்பவருக்கும், ருக்ஸானா (25) என்பவருக்கும் கடந்த ஒரு வருடத்திற்கு முன்புதான் திருமணம் நடந்துள்ளது. தங்களின் வாழ்வாதாரத்தைத் தேடி இந்தத் தம்பதியினர் கடந்த ஆறு மாதங்களுக்கு முன்புதான் பெங்களூருவுக்குக் குடியேறியுள்ளனர்.

பெங்களூருவில் முகமது இர்பான் ஒரு ஆயத்த ஆடைத் தொழிற்சாலையில் வேலை பார்த்து வர, ருக்ஸானா வீட்டில் இருந்துள்ளார். இந்தச் சூழலில், ருக்ஸானா அடிக்கடி தனது தொலைபேசியில் யாருடனோ பேசிக் கொண்டிருந்ததாகக் கூறப்படுகிறது. இதனால் தனது மனைவிக்கு வேறொருவருடன் திருமணத்தை மீறிய கள்ளத்தொடர்பு இருப்பதாக இர்பானுக்கு பலத்த சந்தேகம் ஏற்பட்டுள்ளது. இந்தச் சந்தேகத்தின் காரணமாக கணவன்-மனைவி இருவருக்கும் இடையே வீட்டில் அடிக்கடி கடுமையான வாக்குவாதங்களும் சண்டைகளும் ஏற்பட்டு வந்துள்ளன.

கடந்த அக்டோபர் 10-ஆம் தேதியும் இவர்களுக்குள் இது தொடர்பாக மீண்டும் ஒரு பெரிய தகராறு வெடித்தது. அப்போது ஏற்பட்ட ஆத்திரத்தில், இர்பான் தன் மனைவி ருக்ஸானாவைக் கல்லை எடுத்துத் தலையில் அடித்துக் கொடூரமாகக் கொலை செய்தார். பின்னர், குற்றத்தை மறைப்பதற்காக மனைவியின் உடலை அங்கிருந்த ஒரு பெரிய சாக்கடைக் கால்வாயில் வீசிவிட்டுத் தப்பியோடினார். அக்டோபர் 13 அன்று ருக்ஸானாவின் உடல் அழுகிய நிலையில் கால்வாயில் இருந்து கண்டெடுக்கப்பட்டதை அடுத்து, போலீசார் வழக்குப் பதிவு செய்து தீவிர விசாரணை நடத்தினர். இதில் கணவன் இர்பானே இந்தக் கொலைக்குக் காரணம் என்பது உறுதி செய்யப்பட்டு, அவர் கைது செய்யப்பட்டார். போலீசாரின் பிடியில் சிக்கிய இர்பான், சந்தேகத்தின் பேரில் தானே இந்த கொலையைச் செய்ததாகத் தனது குற்றத்தை ஒப்புக்கொண்டார்.