“பாகிஸ்தான் அதிகாரியிடம் கோப்பை வாங்க மாட்டோம்” 1 மணி நேரமாக நீடித்த இழுபறி… ஆசிய கோப்பை மேடையில் மாஸ் காட்டிய இந்திய மகளிர் அணி..!!!

துபாயில் நடைபெற்ற மகளிர் ஆசிய கோப்பை டி20 கிரிக்கெட் தொடரின் இறுதிப் போட்டியில், பாகிஸ்தான் கிரிக்கெட் வாரியத் தலைவரும் ஆசிய கிரிக்கெட் கவுன்சில் தலைவருமான மொஹ்சின் நக்வியிடம் இருந்து சாம்பியன் கோப்பையைப் பெற்றுக்கொள்ள இந்திய மகளிர் அணி மறுத்துள்ளது பெரும் சர்ச்சையை ஏற்படுத்தியுள்ளது. இந்த பரபரப்பான இறுதிப் போட்டியில் இலங்கையை 72 ரன்கள் வித்தியாசத்தில் வீழ்த்தி இந்திய அணி அபார வெற்றி பெற்றது. எனினும், இரு நாடுகளுக்கும் இடையே நிலவும் புவிசார் அரசியல் பதற்றங்களுக்கு மத்தியில், பரிசு வழங்கும் விழாவின் போது இந்த எதிர்பாராத இழுபறி நிலை உருவானது.

இந்திய அணி நிர்வாகம், பாகிஸ்தானைச் சேர்ந்த மொஹ்சின் நக்வியிடம் இருந்து கோப்பையை வாங்க விரும்பவில்லை என்றும், அதற்குப் பதிலாக எமிரேட்ஸ் கிரிக்கெட் வாரியத்தின் துணைத் தலைவர் மூலமாக கோப்பையைத் தங்களுக்கு வழங்க வேண்டும் என்றும் ஏசிசி-யிடம் கோரிக்கை விடுத்திருந்தது. ஆனால், இந்த கோரிக்கையை நிராகரித்த நக்வி, இந்திய அணியின் கேப்டன் நேரடியாகத் தன் கைகளிலிருந்துதான் கோப்பையைப் பெற்றுக்கொள்ள வேண்டும் என்பதில் பிடிவாதமாக இருந்தார். இதனால் மைதானத்தில் பெரும் குழப்பமும் பரபரப்பும் நிலவியது.

நக்வியின் இந்தத் திட்டவட்டமான நிலைப்பாடு காரணமாக, இறுதிப் போட்டியில் வென்ற இந்திய கிரிக்கெட் அணி கோப்பையைப் பெறுவதற்காக மேடைக்கு அருகில் ஒரு மணி நேரத்திற்கும் மேலாகக் காத்திருக்க வேண்டிய சூழல் ஏற்பட்டது. இதற்கிடையே, ஏசிசி அதிகாரி ஒருவர் தரையிலிருந்து கோப்பையை எடுத்ததால் அங்கு மேலும் சலசலப்பு உண்டானது. நக்வி தனது முடிவில் உறுதியாக இருப்பதாலும், இந்திய அணி அவரிடம் இருந்து வாங்க மறுப்பதாலும், ஆசிய கோப்பையை இந்திய அணி இன்னும் அதிகாரப்பூர்வமாகப் பெற்றுக்கொள்ளாமல் இந்த இழுபறி நீடித்து வருகிறது.