“கருமுட்டையை உறைய வச்சிட்டேன்” குழந்தையே வேண்டாம்னு சொல்லல, ஆனால்… தனுஷ் பட நடிகை க்ரித்தி சனோன் ஓபன் டாக்.. பாராட்டும் நெட்டிசன்கள்..!!

பாலிவுட் நடிகை க்ரித்தி சனோன் சமூக அழுத்தங்களுக்கு இடம் கொடுக்காமல், தனது எதிர்காலம் குறித்த முக்கிய முடிவாகக் கருமுட்டையை உறையவைத்துள்ளதாக வெளிப்படையாகப் பகிர்ந்துள்ளார். சமீபத்தில் பேட்டி ஒன்றில் இதனைத் தெரிவித்த அவர், வயது கூடிக்கொண்டே போவதால் அவசரமாகத் திருமணம் செய்து, குழந்தைப் பெற்றுக் கொள்ள வேண்டும் என்ற கட்டாயம் பெண்களுக்கு இருக்கக் கூடாது என்று கூறியுள்ளார். அறிவியலின் உதவியோடு சரியான நேரத்தில் எடுத்த இந்த முடிவு தனக்குப் பேரமைதியையும், மனநிம்மதியையும் தந்துள்ளதாக அவர் தெரிவித்துள்ளார்.

தனிப்பட்ட வாழ்க்கையும் சினிமா பயணமும் சமமாகப் பயணிக்க வேண்டும் என்பதில் க்ரித்தி சனோன் உறுதியாக இருக்கிறார். தனக்குக் குழந்தைகள் மிகவும் பிடிக்கும் என்றும், ஆனால் அதற்காக அவசரப்பட்டுத் திருமண வாழ்க்கையில் நுழைய விரும்பவில்லை என்றும் அவர் குறிப்பிட்டுள்ளார். நடிகர் தனுஷுடன் ‘தேரே இஷ்க் மே’ திரைப்படத்தில் நடித்ததன் மூலம் தமிழ் ரசிகர்களின் மனங்களையும் கவர்ந்த க்ரித்தி, தற்போது வயது குறித்த எந்த கவலையும் இல்லாமல் தனது முழு கவனத்தையும் சினிமாவில் செலுத்தி வருகிறார்.

சமூகம் விதிக்கும் விதிகளுக்குப் பயப்படாமல், பெண்கள் தங்களுக்குப் பொருத்தமான நேரத்தில் தங்களின் வாழ்க்கையைத் தேர்வு செய்வதே சிறந்தது என்ற க்ரித்தியின் இந்த முற்போக்கான கருத்து தற்போது இணையத்தில் பரவலான பாராட்டுக்களைப் பெற்று வருகிறது.