“அதற்கு என்ன பெயர் பாஸ்?” – ஸ்டாலினின் குதிரை பேரப் புகாரை அப்படியே திருப்பி அடித்த அமைச்சர் அருண்ராஜ்.. தமிழக அரசியலில் எகிறும் பரபரப்பு..!!

திமுக தலைவர் மு.க.ஸ்டாலின் எழுப்பிய “குதிரை பேரம்” புகாருக்கு, தற்போதைய தவெக அரசின் விளையாட்டு மேம்பாட்டுத் துறை அமைச்சர் அருண்ராஜ் மிகக் கடுமையான பதிலடியைக் கொடுத்துள்ளார். திமுக மற்றும் அதிமுக ஆகிய இரண்டு கட்சிகளுமே தவெக ஆட்சிக்கு வருவதைத் தடுப்பதற்காகத்தான் திட்டமிட்டுச் செயல்பட்டன என்றும், அதற்குப் பெயர் என்ன என்று அவர் காரசாரமாகக் கேள்வி எழுப்பியுள்ளார்.

தவெகவின் 15 சட்டமன்ற உறுப்பினர்களைக் குதிரை பேரம் பேசி வாங்குவதற்காகத்தான், தவெக அரசு ஒரு யூனிட் ரூ.35 வீதம் அதிக விலைக்கு மின்சாரத்தைக் கொள்முதல் செய்வதாகத் திமுக தலைவர் மு.க.ஸ்டாலின் பகிரங்கமாகக் குற்றம் சாட்டியிருந்தார். இதற்கு மறுப்பு தெரிவித்துள்ள அமைச்சர் அருண்ராஜ், தங்களுக்குக் குதிரை பேரம் என்ற விஷயமே தெரியாது என்றும், அதனைத் தெரிந்துகொள்ளத் தங்களுக்கு விருப்பமும் இல்லை என்றும் திட்டவட்டமாகக் கூறியுள்ளார்.

திமுக மற்றும் அதிமுகவின் இந்தச் செயல்பாடுகள் பிடிக்காமல், உண்மையான அதிமுக தொண்டர்கள் தவெக போன்ற மற்ற கட்சிகளுக்குத் தாங்களாகவே முன்வந்து இணைந்தால், அதனை எப்படிக் குதிரை பேரம் என்று சொல்ல முடியும் என்றும் அவர் வினவியுள்ளார். இந்த விவகாரம் தவெக மற்றும் திமுக இடையே அரசியல் வட்டாரத்தில் தற்போது புதிய மோதலை உருவாக்கியுள்ளது.