“என்னை கொள்ள பிளான் பண்றங்கா..” சொந்த கணவரால் உயிருக்கு ஆபத்து.. கண்ணீருடன் வீடியோ வெளியிட்டு கதறிய பெண் அமைச்சர்..! அதிர்ச்சியில் உறைந்த அரசியல் வட்டாரம்..!!

உத்தரகாண்ட் கேபினட் அமைச்சர் ரேகா ஆர்யா, தனது கணவர் கிர்தாரி லால் சாகு மீது டேராடூனில் உள்ள கென்ட் காவல் நிலையத்தில் பல தீவிரமான பிரிவுகளின் கீழ் FIR பதிவு செய்துள்ளார். கடந்த 2004 ஜூலை 6 அன்று தங்களுக்குத் திருமணம் நடந்த நிலையில், தனது கணவர் ஏற்கெனவே திருமணமானவர் என்ற உண்மையை மறைத்துத் தன்னை ஏமாற்றித் திருமணம் செய்துகொண்டதாகவும், பிற பெண்களுடன் சட்டவிரோத உறவு வைத்துள்ளதாகவும் அவர் குற்றம் சாட்டியுள்ளார். இது குறித்துக் கேள்வி கேட்டபோது, தன்னைத் தாக்கியதாகவும், சாதி ரீதியாகக் கூச்சலிட்டுப் பேசி இழிவுபடுத்தியதாகவும், மோசடியாகப் போலியான ஆவணங்கள் மற்றும் கையெழுத்துகள் மூலம் நிறுவனத்தின் இயக்குநர் பதவியில் இருந்து தன்னை நீக்கியதாகவும் அவர் தனது புகாரில் தெரிவித்துள்ளார்.

புகார் அளித்த பிறகு, ரேகா ஆர்யா சமூக வலைதளங்களில் கண்ணீருடன் ஒரு உணர்ச்சிப்பூர்வமான வீடியோவைப் பகிர்ந்துள்ளார். அதில், தன் கணவர் ஒரு பெண்ணுடன் தொலைபேசியில் பேசும் ஆடியோ பதிவு தமக்குக் கிடைத்ததாகவும், அதில் அவர் தங்களைக் கொலை செய்யச் சதித் திட்டம் தீட்டுவது அம்பலமாகியுள்ளதாகவும் கூறியுள்ளார். இந்த ஆடியோ தம்மையும், தன் குழந்தைகளின் பாதுகாப்பையும் பெரிய அளவில் கேள்விக்குறியாக்கியுள்ளதாகக் கூறி அவர் கதறியுள்ளார். இந்தத் தொடர் மன உளைச்சல் மற்றும் உடல்நலக் குறைவு காரணமாகத் டேராடூன் மருத்துவமனையில் அனுமதிக்கப்பட்ட ரேகா ஆர்யாவின் உடல்நிலை தற்போது சீராக உள்ளது.

ரேகா ஆர்யாவின் புகாரின் பேரில், அக்டோபர் 15 அன்று டேராடூன் கென்ட் காவல் துறையினர் அவரது கணவர் மீது மோசடி, கொலை மிரட்டல், முதல் திருமணத்தை மறைத்தல், வன்கொடுமைத் தடுப்புச் சட்டம் உள்ளிட்டப் பல தீவிரமான பிரிவுகளின் கீழ் வழக்குப் பதிவு செய்துள்ளனர். அல்மோரா மாவட்டத்தின் சோமேஷ்வர் தொகுதியிலிருந்து தொடர்ந்து மூன்று முறை பா.ஜ.க சார்பில் தேர்ந்தெடுக்கப்பட்ட சட்டமன்ற உறுப்பினரான ரேகா ஆர்யா, தற்போதைய உத்தரகாண்ட் அரசில் அமைச்சராகப் பணியாற்றி வருகிறார் என்பது குறிப்பிடத்தக்கது.