“எதிர்த்தால் பொய் வழக்கில் சிக்க வைப்பேன்..” காதலியை 10 வருடங்களாக சீரழித்து மிரட்டிய போலீஸ்.. பெண் பரபரப்பு புகார்..!!

உத்தரப் பிரதேச மாநிலம் ஜாலோன் பகுதியில், 11-ஆம் வகுப்பு படித்துக் கொண்டிருந்த மாணவியை காதலிப்பதாகக் கூறி 10 ஆண்டுகளுக்கும் மேலாக ஏமாற்றி, பாலியல் சுரண்டல் செய்ததாக உத்தரப் பிரதேச காவல்துறையைச் சேர்ந்த போலீஸ் கான்ஸ்டபிள் மனிஷ் குமார் மீது அதிர்ச்சிப் புகார் எழுந்துள்ளது. கடந்த 2015-ஆம் ஆண்டு படிப்பின் போது மனிஷ் குமாரை சந்தித்த அந்தப் பெண், தன்னைத் திருமணம் செய்து கொள்வதாக அவர் கொடுத்த வாக்குறுதியை நம்பிப் பள்ளியையும் பாதியிலேயே நிறுத்தியுள்ளார். அதன் பிறகு, பல வருடங்களாக அவளுடன் உடலுறவு வைத்துக்கொண்ட மனிஷ் குமார், அவள் கர்ப்பமடைந்த போதெல்லாம் கட்டாயப்படுத்திப் பலமுறை கலைக்கச் செய்துள்ளதாக அந்தப் பெண் குற்றம் சாட்டியுள்ளார்.

காவல்துறை வேலைக்கான தேர்வு தயாரிப்பு முதல் பணி கிடைக்கும் வரை திருமணம் செய்வதாக உறுதியளித்து வந்த மனிஷ் குமார், சீதாபூரில் கான்ஸ்டபிளாகப் பணியில் சேர்ந்தவுடன் தனது போக்கை மாற்றிக் கொண்டுள்ளார். தற்போது ரூ.20 லட்சம் வரதட்சணை வாங்கிக் கொண்டு வேறொரு பெண்ணைத் திருமணம் செய்ய அவர் தயாராகி வருவதாகவும், தன்னை எதிர்த்தால் பொய் வழக்குகளில் சிக்குவிப்பதாக மிரட்டுவதாகவும் அந்தப் பெண் புகார் அளித்துள்ளார். கடந்த 2026 மார்ச் 14 அன்று விடுமுறையில் வந்தபோதும், வீடு கட்டியதும் திருமணம் செய்வதாக மனிஷ் குமார் ஆசைகாட்டியுள்ளார். இதனால், நீதிக்காக ஜாலோன் முதல் சீதாபூர் வரை அலைந்து திரிந்த அந்தப் பெண், தற்போது மாவட்ட ஆட்சியர் மற்றும் காவல் கண்காணிப்பாளரிடம் புகார் மனு அளித்து, சம்பந்தப்பட்ட கான்ஸ்டபிள் மீது எஃப்.ஐ.ஆர் பதிவு செய்யவும் தனக்குப் பாதுகாப்பு வழங்கவும் கோரியுள்ளார்.