“விஜய்யை வச்சு படம் எடுத்தா அரசு பதவியா..?” – தவெக அரசை கிழித்தெறிந்த ஆர்.பி.உதயகுமார்… தமிழக அரசியலில் வெடித்த புது சர்ச்சை..!!

திரைப்படத் துறையைச் சேர்ந்த தயாரிப்பாளர்கள் மற்றும் தொழில்நுட்பக் கலைஞர்களுக்குத் தவெக அரசு தொடர்ச்சியாகப் பல்வேறு அரசுப் பதவிகளை வழங்கி வருவதாக அதிமுக முன்னாள் அமைச்சர் ஆர்.பி.உதயகுமார் கடுமையான விமர்சனங்களை முன்வைத்துள்ளார். தவெக தலைவர் விஜய்யை வைத்துத் திரைப்படம் தயாரித்தவர்களுக்கு மட்டுமே தற்போது அரசுப் பதவிகள் கிடைக்கும் என்ற ஒரு புதிய அவல நிலை தமிழகத்தில் உருவாகி வருவதாக அவர் குற்றம்சாட்டியுள்ளார். தகுதியான மற்றவர்களைப் புறந்தள்ளிவிட்டு, இத்தகைய நபர்களுக்கு முக்கியத்துவம் அளிப்பது எப்படி ஜனநாயகமாக இருக்க முடியும் என்றும் அவர் கேள்வி எழுப்பியுள்ளார்.

திரைப்படத் துறையுடன் நெருங்கிய தொடர்புடையவர்களை மட்டுமே தேடித் பிடித்து அரசுப் பதவிகளில் தொடர்ந்து நியமித்து வரும் போக்கு தவெக ஆட்சியில் நாளுக்கு நாள் அதிகரித்து வருவதாக ஆர்.பி.உதயகுமார் சுட்டிக்காட்டியுள்ளார். மக்கள் நலப் பணிகளுக்காகவும், கட்சியின் வளர்ச்சிக்காகவும் ஆரம்பம் முதல் உழைத்த தவெகவின் அடிமட்ட நிர்வாகிகளையும், விஜய் மக்கள் இயக்கத்தின் தொண்டர்களையும் இந்த நியமனங்கள் பெரும் அதிர்ச்சியிலும் ஏமாற்றத்திலும் ஆழ்த்தியுள்ளதாக அவர் மேலும் குறிப்பிட்டுள்ளார். சினிமாவையும் அரசியலையும் தவெக தலைமை குழப்பிக் கொள்வதாக அவர் சாடியுள்ளார்.

இந்த சினிமா விவகாரம் மற்றும் ஒருதலைப்பட்சமான நியமனங்கள் தற்போது தமிழக அரசியல் வட்டாரத்தில் பெரும் பரபரப்பை ஏற்படுத்தியுள்ளது. சினிமா பின்னணி உள்ளவர்களுக்கு மட்டுமே முன்னுரிமை அளிக்கப்படுவதாக எதிர்க்கட்சிகள் தொடர்ந்து குற்றச்சாட்டுகளை அடுக்கி வரும் நிலையில், திறமையின் அடிப்படையிலேயே தகுதியானவர்கள் தேர்வு செய்யப்படுவதாகத் தவெக தரப்பு விளக்கமளித்துள்ளது. இந்த அரசுப் பதவிகள் நியமன விவகாரம் சமூக ஊடகங்களிலும் நெட்டிசன்களால் காரசாரமாக விவாதிக்கப்பட்டு வருகிறது.