வேலூரில் பயங்கரம்: பிறந்தநாள் விழாவுக்கு அழைத்து பெண் ஜிம் உரிமையாளருக்கு மயக்க மருந்து கொடுத்து பலாத்காரம் – வீடியோ எடுத்து ரூ.4.50 லட்சம், நகை பறித்த தம்பதி கைது..!!

வேலூர் சத்துவாச்சாரியில் பெண் ஜிம் உரிமையாளரை மயக்க மருந்து கொடுத்து பலாத்காரம் செய்து, அதை வீடியோ எடுத்து மிரட்டிய தம்பதியை போலீஸார் கைது செய்துள்ளனர். கைது செய்யப்பட்டவர்கள் எப்சியா மற்றும் மணிவண்ணன் என அடையாளம் காணப்பட்டுள்ளனர்.

இந்த தம்பதியினர் தங்களது பிறந்தநாள் விழாவுக்கு வருமாறு அந்தப் பெண்ணை அழைத்துள்ளனர். அங்கு அவருக்கு மயக்க மருந்து கலந்த உணவையோ அல்லது பானத்தையோ கொடுத்து இந்த கொடூரச் செயலை அரங்கேற்றியுள்ளனர்.

தொடர்ந்து, எடுத்த வீடியோவை இணையத்தில் வெளியிட்டு விடுவதாக மிரட்டி, அந்தப் பெண்ணிடமிருந்து ரூ.4.50 லட்சம் பணம் மற்றும் நகைகளைப் பறித்துள்ளனர். இதனால் பாதிக்கப்பட்ட பெண் அளித்த புகாரின் பேரில் போலீஸார் தம்பதியைக் கைது செய்து விசாரித்து வருகின்றனர்.