அடப்பாவமே.. 70 லட்சம் போச்சு.. ஹார்வர்ட் கனவும் போச்ச.. அமெரிக்க தூதரகம் சொன்ன ‘அந்த’ ஒரு வார்த்தை.. தங்கப் பதக்க மாணவிக்கு நேர்ந்த விபரீதம்… உலுக்கும் பின்னணி..!!

சர்வதேச இஸ்லாமிய பல்கலைக்கழகத்தின் தங்கப் பதக்கம் வென்ற மாணவியான லைபா இஜாஸ், தனக்கு வழங்கப்பட்ட ஹார்வர்ட் பல்கலைக்கழகத்தின் சேர்க்கைக் கடிதம் போலியானது என்று அமெரிக்க தூதரகத்திலிருந்து வந்த அதிர்ச்சித் தகவலைக் கேட்டு, வாழ்க்கையில் முற்றிலும் விரக்தியடைந்து தற்கொலை செய்ய முடிவெடுத்துள்ளார். அந்தத் துயரமான வீடியோவில், மனமுடைந்த நிலையில் தனது பெற்றோரின் முகத்தை நினைத்தபடி அவர் தனது வாழ்க்கையை முடித்துக் கொள்ளச் செல்லும் நெஞ்சைக் கனக்க வைக்கும் காட்சிகள் பதிவாகியுள்ளன. இந்தத் தற்கொலை முயற்சியைத் தூண்டும் வீடியோ சமூக வலைதளங்களில் வெளியாகி பெரும் அதிர்ச்சியை ஏற்படுத்தியுள்ளது.

லைபாவிடம் 70 லட்சம் ரூபாய் பணத்தைப் பெற்றுக்கொண்டு, ஹார்வர்ட் பல்கலைக்கழகத்தின் போலி சேர்க்கைக் கடிதத்தை வழங்கி இந்தத் துரோகத்தைச் செய்த நுமான் என்ற ஏமாற்றுக்காரனின் புகைப்படமும் இந்தத் தகவலுடன் வெளியாகியுள்ளது. ஒரு திறமையான மாணவியின் எதிர்காலத்தையும் அவரது குடும்பத்தின் வாழ்வாதாரத்தையும் சிதைத்த இந்த மோசடிச் சம்பவம் குறித்துப் போலீசார் தீவிர விசாரணை நடத்தி வருகின்றனர். எத்தகைய இக்கட்டான சூழ்நிலையிலும் தற்கொலை என்பது எதற்கும் தீர்வாகாது என்றும், இந்த மோசடிக்குக் காரணமான குற்றவாளிக்குச் சட்டப்படி கடுமையான தண்டனை பெற்றுத்தர வேண்டும் என்றும் சமூக வலைதளங்களில் கோரிக்கைகள் எழுந்து வருகின்றன.