“வக்கு இல்லாம எதுக்கு சொகுசு கார்..?” பெட்ரோல் பங்க் ஊழியரையே கதறவிட்ட பெண்.. நெட்டிசன்களை கொந்தளிக்க வைத்த வீடியோ..!!

பெட்ரோல் பங்க்கில் காரில் டீசல் நிரப்பிவிட்டுப் பணம் கொடுக்காமல் சினிமா பாணியில் ஏமாற்றித் தப்பியோடிய பெண்ணின் வெட்கக்கேடான மோசடிச் செயல் சமூக வலைத்தளங்களில் பெரும் அதிர்வலையை ஏற்படுத்தியுள்ளது. அந்தப் பெண் தனது காரை பெட்ரோல் பங்க்கிற்குள் கொண்டு வந்து நிறுத்திவிட்டு, ஏதோ ஒரு முக்கியமான அவசரத் தொலைபேசி அழைப்பில் பேசுவது போலப் பாசாங்கு செய்துகொண்டே காரை விட்டு வெளியே இறங்கியுள்ளார். இதனை நம்பிய பங்க் ஊழியர் காரில் டீசல் நிரப்பத் தொடங்கியுள்ளார். ஊழியர் டீசல் நிரப்புவதில் மும்முரமாக இருந்த சமயம் பார்த்து, அந்தப் பெண் யாருக்கும் தெரியாமல் மெதுவாகத் தனது காரின் ஓட்டுநர் இருக்கைக்குள் சென்று அமர்ந்து கொண்டார்.

ஊழியர் டீசல் நிரப்பி முடித்துக் குழாயை வெளியே எடுத்த அந்த மறுநொடியே, அந்தப் பெண் மின்னல் வேகத்தில் காரை ஸ்டார்ட் செய்து அங்கிருந்து பறந்துவிட்டார். அதிர்ச்சியடைந்த ஊழியர் பின்னால் துரத்திக்கொண்டு சத்தமிட்டும் அவர் காரை நிறுத்தவே இல்லை. “காரில் டீசல் போடுவதற்குக் கூட வக்கு இல்லாதவர்கள் எதற்காக இப்படி ஆடம்பரமாகக் கார் வைத்திருக்கிறார்கள்?” என்றும், “சட்டத்திற்குச் சிறிதும் பயப்படாமல் பட்டப்பகலில் இப்படி பகிரங்கமாக மோசடி செய்கிறார்களே” என்றும் இணையத்தில் மக்கள் தங்களது கடுமையான கண்டனங்களையும் கருத்துகளையும் பகிர்ந்து வருகின்றனர்.