அடச்சீ.. “சேலை கட்டினாலும் விடமாட்டீங்களா..?” பெண் வேடத்தில் இரவில் சென்ற இளைஞர்… பின்னாலேயே சுற்றி வந்த கார்கள்… நடுரோட்டில் நடந்த அக்கிரமம்…! வைரலாகும் பகீர் வீடியோ..!!

தில்லி-என்சிஆர் பகுதியில் பெண்களின் பாதுகாப்பு குறித்து அடிக்கடி கேள்விகள் எழுப்பப்பட்டு வருகின்றன. இந்நிலையில், நொய்டாவில் இரவில் தனியாகச் செல்லும் பெண்களுக்கு என்ன மாதிரியான சூழ்நிலைகள் எதிர்கொள்ள நேரிடுகிறது என்பதைச் சோதிப்பதற்காக ஒரு இளைஞர் வித்தியாசமான முயற்சியை மேற்கொண்டார். இன்ஸ்டாகிராமில் @dhiraj_sharmaa04 என்ற கணக்கிலிருந்து பகிரப்பட்ட இந்த வீடியோவில், அந்த இளைஞர் சேலை அணிந்து, விக்க் வைத்து, மேக்கப் போட்டுக்கொண்டு ஒரு பெண்ணைப் போல முழுமையாகத் தயாராகி, இரவில் நொய்டா வீதிகளில் தனியாக உலா வந்தார்.

அவர் வீதியில் நடக்கத் தொடங்கிய சிறிது நேரத்திலேயே, அங்கிருந்த மக்களின் கவனம் அவர் மீது திரும்பியதுடன், பலர் அவரைத் தொடர்ச்சியாக முறைத்துப் பார்க்கத் தொடங்கினர். ஒரு கேப் ஓட்டுநர் தனது காரை நிறுத்தி நீண்ட நேரம் அவரைப் பார்த்துக் கொண்டிருந்தார். அதைத் தொடர்ந்து மற்றொரு கார் ஓட்டுநர், இவர் செல்லும் வழியிலேயே பின்தொடர்ந்து வந்து காரை குறுக்கே நிறுத்தி, அவரை காரில் ஏறுமாறு அழைத்தார். இதனால் பயந்துபோன அந்த இளைஞர் வேகமாக வேறு திசையில் விலகிச் சென்றார். அதன்பிறகும் கூட, மற்றொரு கேப் ஓட்டுநர் காரை யூ-டர்ன் எடுத்து மீண்டும் வந்து, அவரை அருகில் வருமாறு சைகை காட்டினார். இறுதியில் அவரது நண்பர் பைக்கில் வந்து அவரை அழைத்துச் செல்ல முயன்றபோதும், அந்த கேப் மீண்டும் அவர்களை நோக்கி வந்ததால், இந்த அனுபவம் அவருக்கு மிகுந்த அச்சத்தை ஏற்படுத்தியது.

https://www.instagram.com/reel/Dd3yr_vBJtm/?utm_source=ig_web_button_share_sheet

இந்த சோதனையின் மூலம், இரவில் நொய்டா வீதிகளில் ஒரு பெண்ணாக தனியாக நடப்பது மிகவும் அசௌகரியமான மற்றும் பயமுறுத்தும் அனுபவமாக இருந்ததாக அந்த இளைஞர் தெரிவித்தார். இந்த வீடியோ சமூக வலைதளங்களில் வைரலானதைத் தொடர்ந்து, பயனர்கள் பலரும் தங்களது கருத்துகளைப் பதிவு செய்து வருகின்றனர். சேலை போன்ற பாரம்பரிய உடை அணிந்திருந்த நிலையிலும் நபர்கள் தொடர்ச்சியாக முறைத்துப் பார்த்த சம்பவம், “பெண்களின் உடைகள்தான் பிரச்சனைக்குக் காரணம்” என்று கூறுபவர்களின் கூற்று தவறானது என்பதை உணர்த்துவதாக இணையவாசிகள் சுட்டிக்காட்டி விவாதித்து வருகின்றனர்.