“இன்றே எழுதி வச்சுக்கோங்க..!” விஜய்யின் 2034 மாஸ்டர் பிளான்.. டெல்லி தலைவர்களை அதிரவைத்த ராவுத்தர் இப்ராஹிமின் அதிரடி கணிப்பு..!!

தமிழக அரசியலில் தமிழக வெற்றி கழகம் தொடங்கப்பட்டதில் இருந்தே, அதன் எதிர்காலம் மற்றும் வெற்றி வாய்ப்புகள் குறித்த விவாதங்கள் சூடுபிடித்துள்ளன. இந்த நிலையில், ராவுத்தர் இப்ராஹிம் என்பவர் வெளியிட்டுள்ள அதிரடி அரசியல் கணிப்பு இணையத்தில் காட்டுத்தீ போல பரவி வருகிறது. அவர் வெளியிட்டுள்ள தகவலின்படி, 2034-ஆம் ஆண்டு நடைபெறும் இந்திய நாடாளுமன்றத் தேர்தலில் தவெக தலைவர் தளபதி விஜய் நாட்டின் பிரதமர் வேட்பாளராகக் களம் இறங்குவார் என்றும், இதை இன்றே குறித்து வைத்துக்கொள்ளுங்கள் என்றும் சவால் விட்டுள்ள செய்தி அரசியல் வட்டாரத்தில் பெரும் பரபரப்பை ஏற்படுத்தியுள்ளது.

மேலும், அடுத்த ஓராண்டு காலத்திற்குள் கேரளா, கர்நாடகா மற்றும் ஆந்திரா ஆகிய தென்னிந்திய மாநிலங்களில் தவெக அதிகாரப்பூர்வமாகக் கட்சிப் பணிகளைத் தொடங்கித் தன் எல்லையை விரிவுபடுத்த உள்ளதாகவும் அவர் தெரிவித்துள்ளார். அந்த மாநிலங்களில் விஜய்க்கு இருக்கும் அபாரமான ரசிகர் பட்டாளமும் செல்வாக்கும் கட்சிக்கு வலுவான அடித்தளமாக அமையும் என்று கணிக்கப்படுகிறது. இதன் மூலம் தமிழக அரசியலைத் தாண்டி, தேசிய அரசியலிலும் தவெக தன் முத்திரையைப் பதிக்கத் தயாராகி வருவதாக அவர் சுட்டிக்காட்டியுள்ளார்.

இந்த கணிப்புகளுக்குச் சிகரம் வைத்தாற்போல, இந்தியக் கிரிக்கெட் அணியின் முன்னாள் கேப்டன் எம்.எஸ்.தோனி வடஇந்தியாவில் ஏதேனும் ஒரு முக்கியத் தொகுதியில் தவெக சார்பில் போட்டியிட அதிக வாய்ப்புகள் இருப்பதாக அவர் குறிப்பிட்டுள்ளார். விஜய்க்கும் தோனிக்கும் இடையிலான நட்பு மற்றும் தோனியின் மாபெரும் செல்வாக்கு வடமாநிலங்களில் கட்சிக்குப் பெரிய பலத்தைச் சேர்க்கும் என்றும், எதிர்காலத்தில் இந்தியாவின் மிக முக்கிய அதிகாரமிக்கப் பொறுப்பில் தளபதி விஜய் கண்டிப்பான முறையில் அமர்வார் என்றும் அவர் மிக அழுத்தமாகக் கூறியுள்ளார்.