வீட்டுக்கு வந்த மருமகள் செய்யுற வேலையா இது..? இரவு சாப்பாட்டில் செய்த பகீர் காரியம்.. குடும்பத்தோடு 4 பேர் மருத்துவமனையில் அனுமதி..!!

உத்தரப் பிரதேச மாநிலம் ஹமீர்பூர் மாவட்டத்தில், உணவில் தூக்க மாத்திரைகள் கலந்து கொடுத்ததால் ஒரே குடும்பத்தைச் சேர்ந்த நான்கு பேர் திடீரென உடல்நலக்குறைவு ஏற்பட்டு மருத்துவமனையில் அனுமதிக்கப்பட்டுள்ளனர். லல்புரா காவல் நிலைய எல்லைக்குட்பட்ட பஜேஹ்தா கிராமத்தில் இந்த அதிர்ச்சி தரும் சம்பவம் நடந்துள்ளது. பாதிக்கப்பட்ட ராம்தேவி, நேஹா, சுனிதா மற்றும் குஷி ஆகிய நான்கு பேரும் முதலில் சமுதாய சுகாதார மையத்திலும், பின்னர் தீவிர சிகிச்சைக்காக ஹமீர்பூர் மாவட்ட அரசு மருத்துவமனையிலும் அனுமதிக்கப்பட்டு சிகிச்சை பெற்று வருகின்றனர்.

இந்தச் சம்பவத்திற்கு அந்தக் குடும்பத்தின் மருமகளே காரணம் என்று குற்றம் சாட்டப்பட்டுள்ளது. அவர்தான் இரவில் சமைத்த உணவில் தூக்க மாத்திரைகளைக் கலந்து கொடுத்ததாகக் கூறப்படுகிறது. காலையில் குடும்பத்தினரின் உடல்நிலை மோசமடைந்ததை அறிந்த மருமகள், பயத்தின் காரணமாகத் தானும் தூக்க மாத்திரைகளை உட்கொண்டதாகத் தகவல் வெளியாகியுள்ளது.

இச்சம்பவம் குறித்துத் தகவல் அறிந்த லல்புரா காவல் நிலையப் பொறுப்பாளர் சூர்ய குமார் ஷாஹி தலைமையிலான போலீசார் சம்பவ இடத்திற்கு விரைந்து விசாரணை நடத்தினர். உணவில் மருந்து எவ்வாறு கலந்தது, அந்த மாத்திரைகள் எங்கிருந்து வாங்கப்பட்டன மற்றும் இதற்குப் பின்னால் ஏதேனும் குடும்பத் தகராறு உள்ளதா என்ற கோணங்களில் போலீசார் தீவிரமாக விசாரித்து வருகின்றனர். மருத்துவமனையில் உள்ளவர்களின் வாக்குமூலம் மற்றும் மருத்துவ அறிக்கையின் அடிப்படையில் அடுத்தகட்ட நடவடிக்கை எடுக்கப்படும் என்று காவல்துறை தரப்பில் தெரிவிக்கப்பட்டுள்ளது.