“என் பேச்சை கேட்க மாட்டியா..?” 12-ம் வகுப்பு தேர்வு எழுத ஆசைப்பட்ட மனைவி.. காதல் கணவன் செய்த கொடூர காரியம்.. நெஞ்சை உலுக்கும் பின்னணி..!!

உத்தரப் பிரதேச மாநிலம் ஷாஜஹான்பூரில் 12ஆம் வகுப்புத் தடையைத் தாண்டித் தனது படிப்பைத் தொடர ஆசைப்பட்ட 23 வயது இளம் பெண் ரேஷ்மா மௌரியா, அவரது கணவர் சிவமால் சுட்டுக் கொல்லப்பட்ட கொடூரச் சம்பவம் ஒட்டுமொத்த சமுதாயத்தையும் உலுக்கியுள்ளது. ரேஷ்மா தனது பொதுத் தேர்வுகளுக்காக தீவிரமாகத் தயாராகி வந்த நிலையில், அவர் தனது பேச்சைக் கேட்காமல் தொடர்ந்து படிக்க விரும்புவதாகக் கூறி, கணவர் சிவம் இந்த விபரீதக் கொலையைச் செய்துள்ளதாகப் போலீசாரிடம் ஒப்புக்கொண்டுள்ளார். இவர்கள் இருவரும் வெவ்வேறு சாதியினராக இருந்தபோதிலும், காதலித்துத் திருமணம் செய்துகொண்டவர்கள் என்பது குறிப்பிடத்தக்கது.

இந்தக் கொலை குறித்துப் பேசிய ரேஷ்மாவின் சகோதரர், சிவம் தனது தங்கையைத் தொடர்ந்து அடித்துத் துன்புறுத்தி வந்ததாகவும், கடந்த ஆண்டே அவளைத் தேர்வு எழுத விடாமல் தடுத்ததாகவும் பகிரங்கமாகக் குற்றம் சாட்டியுள்ளார். காதலித்துத் திருமணம் செய்துகொண்ட கணவரே, மனைவியின் கல்வி ஆசைக்காக அவளது உயிரைப் பறித்திருப்பது, “இது காதலா அல்லது சிறைச்சாலையா?” என்ற வேதனையான கேள்வியைச் சமூகத்தில் எழுப்பியுள்ளது. இந்தச் சதித் திட்டம் மற்றும் கொடூரக் கொலை குறித்து ஷாஜஹான்பூர் போலீசார் வழக்குப் பதிவு செய்து, குற்றவாளியான சிவம் வர்மாவை அதிரடியாகக் கைது செய்து தீவிர விசாரணை மேற்கொண்டு வருகின்றனர்.