“இது என்ன கொடுமை..” நடுரோட்டில் முடிப்பிடிப்பை இழுத்து சிறுவனை மிருகத்தனமாகத் தாக்கிய பெண்.. வைரலாகும் ஷாக்கிங் வைரல் வீடியோ..!!

உத்தரப் பிரதேச மாநிலம் பாக்பத் மாவட்டத்தின் பரோட் கோட்வாலி காவல் எல்லைக்குட்பட்ட ஒரு பரபரப்பான பொதுச் சந்தையில், பெண் ஒருவர் பச்சிளம் சிறுவன் ஒருவனைக் கொடூரமான முறையில் தாக்கும் அதிர்ச்சியூட்டும் வீடியோ சமூக வலைதளங்களில் வெளியாகிப் பெரும் பரபரப்பை ஏற்படுத்தியுள்ளது. எக்ஸ் தளத்தில் பகிரப்பட்ட அந்த வீடியோவில், கூட்ட நெரிசல் மிகுந்த சந்தையின் நடுவே கருப்பு நிற மோட்டார் சைக்கிள் ஒன்றின் அருகே அமர்ந்திருக்கும் சிறுவனின் முடியைப் பிடித்து இழுத்து, அவனது தலையைக் கீழே அமுக்கி அந்தப் பெண் இரக்கமின்றித் தாக்குவது பதிவாகியுள்ளது. அங்கிருந்த பொதுமக்கள் சிலர் தலையிட்டுத் தடுக்க முயன்றபோதிலும், ஆத்திரமடைந்த அந்தப் பெண் சிறுவனைத் தொடர்ந்து அறைந்துள்ளார். இந்தச் சம்பவம் குறித்து சமூக ஆர்வலர்கள் பலரும் பாக்பத் காவல்துறையைக் குறியிட்டு, உண்மை நிலவரத்தைக் கண்டறிந்து உரிய நடவடிக்கை எடுக்குமாறு வலியுறுத்தி வருகின்றனர்.

இந்த வைரல் வீடியோ குறித்து விளக்கம் அளித்துள்ள பாக்பத் மாவட்டக் காவல்துறை, சம்மந்தப்பட்ட பரோட் காவல் நிலையத்திற்கு இப்பெண் குறித்தோ அல்லது இந்தத் தாக்குதல் குறித்தோ இதுவரை எந்தவொரு அதிகாரப்பூர்வப் புகாரோ அல்லது தகவலோ வரவில்லை என்று தெளிவுபடுத்தியுள்ளது. இருப்பினும், சமூக ஊடகங்களில் பரவும் காட்சிகளைக் கருத்தில் கொண்டு போலீசார் இந்த விவகாரம் குறித்துத் தன்னிச்சையாக விசாரணையைத் தொடங்கியுள்ளனர். பொது இடத்தில் சிறுவன் மீது இத்தகைய கொடூரத் தாக்குதலை நடத்திய அந்தப் பெண் யார், அவரது பின்னணி என்ன மற்றும் எதற்காக இந்தத் தாக்குதல் நடத்தப்பட்டது என்பது குறித்த விவரங்களைச் சேகரித்து, அப்பெண்ணின் அடையாளத்தை உறுதி செய்யும் பணியில் போலீசார் தீவிரமாக ஈடுபட்டு வருகின்றனர். முழுமையான விசாரணைக்குப் பிறகு சம்மந்தப்பட்ட நபர் மீது சட்டப்படி கடுமையான நடவடிக்கை எடுக்கப்படும் எனப் போலீசார் உறுதியளித்துள்ளனர்.