அய்யோ கொடுமையே…! அலறியடித்து ஓடிய விற்பனையாளர்… கற்களால் அடித்து, கத்தியால் குத்தி இளைஞர் படுகொலை… மதுபோதையில் நடந்த நடுநடுங்க வைக்கும் கொடூரம்..! பதறவைக்கும் பின்னணி..!!

உத்தரப் பிரதேச மாநிலம் லலித்பூரில் நெஞ்சை பதறவைக்கும் கொடூர சம்பவம் ஒன்று நடந்துள்ளது. சதர் கோத்வாலி பகுதிக்குட்பட்ட செளகா பாக்கில் உள்ள ஆங்கில மதுபானக் கடைக்கு எதிரே, திங்கள்கிழமை இரவு சுமார் 9:24 மணியளவில் மதுபோதையில் இருந்த ஐந்து இளைஞர்களுக்கும் பூபேந்திர அகிர்வார் என்பவருக்கும் இடையே சிறு தகராறு ஏற்பட்டுள்ளது. இந்தத் தகராறு முற்றிய நிலையில், அக்குழு பூபேந்திரனை கற்களால் தாக்கியும், கத்தியால் சரமாரியாகக் குத்தியும் கொடூரமாகத் தாக்கியுள்ளனர். இதைக் கண்டு தடுக்க ஓடிவந்த மதுபானக் கடை விற்பனையாளரையும் அந்த கும்பல் இரக்கமின்றி தாக்கியுள்ளது.

சம்பவம் குறித்துத் தகவல் அறிந்ததும் விரைந்து வந்த காவல் துறையினர், தீவிர காயமடைந்த பூபேந்திரனை உடனடியாக மீட்டு மருத்துவக் கல்லூரி மருத்துவமனைக்கு அனுப்பி வைத்தனர். இருப்பினும், அங்கு சிகிச்சை பலனின்றி அவர் பரிதாபமாக உயிரிழந்தார். இச்சம்பவம் தொடர்பாகப் பேசிய கூடுதல் காவல் கண்காணிப்பாளர் காளு சிங், சம்பவம் நடந்த இடத்தில் இருந்து அனைத்து முக்கிய தடயங்களும் சேகரிக்கப்பட்டுள்ளதாகத் தெரிவித்தார்.

உயிரிழந்த இளைஞரின் தந்தை அளித்த புகாரின் அடிப்படையில் காவல்துறையினர் வழக்குப் பதிவு செய்து தீவிர விசாரணை மேற்கொண்டு வருகின்றனர். குற்றச் சம்பவ இடத்தைச் சுற்றியுள்ள சிசிடிவி கேமரா காட்சிகளை ஆய்வு செய்ததன் மூலம் குற்றவாளிகள் அடையாளம் காணப்பட்டு, அதில் ஒரு வாலிபர் கைது செய்யப்பட்டுள்ளார். தலைமறைவாக உள்ள எஞ்சிய குற்றவாளிகளைப் பிடிக்க 3 தனிப்படைகள் அமைக்கப்பட்டுத் தீவிரத் தேடுதல் வேட்டை நடைபெற்று வருகிறது.