“ஒரு வயசானவர்ன்னுகூட பார்க்காம இப்படியா..?” லிஃப்டிற்குள் நாயை கூட்டிட்டு வந்த 65 வயது முதியவர்.. வெறித்தமாக தாக்கிய அண்டை வீட்டார்.. வைரலாகும் பகீர் காட்சி..!!

மகாராஷ்டிர மாநிலஒரு வயசானவர்ன்னுகூட பார்க்காம பன்வேலில் உள்ள ‘சாய் வேர்ல்டு சிட்டி’ அடுக்குமாடி குடியிருப்பில், தனது செல்லப் பிராணியான நாயை லிஃப்டில் அழைத்துச் சென்றதற்காக, 65 வயது முதியவர் ஒருவர் அண்டை வீட்டாரால் கொடூரமாகத் தாக்கப்பட்டு இரத்தம் சொட்டும் மூக்குடன் வெளியே வந்த அதிர்ச்சியூட்டும் சம்பவம் நடந்துள்ளது. நாய் பிரியர்களுக்கு எதிரான சகிப்புத்தன்மையின்மை மற்றும் அடுக்குமாடி குடியிருப்புகளில் நிலவும் மோதல்கள் அதிகரித்து வருவதை இந்தச் சம்பவம் காட்டுவதாக நெட்டிசன்கள் கவலை தெரிவித்துள்ளனர். லிஃப்டில் நாயைக் கூட்டிச் செல்வது தொடர்பாக இருவருக்கும் இடையே ஏற்பட்ட சாதாரண வாக்குவாதம், இறுதியில் முதியவர் மீதான வன்முறைத் தாக்குதலாக மாறியுள்ளது.

பாதிக்கப்பட்ட அந்த முதியவர் தனது முகத்தில் பலத்த காயமடைந்து, மூக்கில் இருந்து இரத்தம் வடியும் நிலையில் இருக்கும் காட்சிகள் மற்றும் புகைப்படங்கள் சமூக வலைத்தளங்களில் வெளியாகிப் பெரும் கொந்தளிப்பை ஏற்படுத்தியுள்ளன. செல்லப் பிராணிகளை வளர்ப்பவர்கள் மற்றும் குடியிருப்புகளில் உள்ள மற்றவர்களுக்கு இடையே அடிக்கடி பார்க்கிங், லிஃப்ட் போன்ற பொதுவான இடங்களைப் பயன்படுத்துவதில் சண்டைகள் ஏற்படுவது வாடிக்கையாகி வரும் நிலையில், ஒரு மூத்த குடிமகன் என்றும் பாராமல் இப்படி மிருகத்தனமாகத் தாக்கிய நபர் மீது கடுமையான நடவடிக்கை எடுக்க வேண்டும் எனப் பலரும் வலியுறுத்தி வருகின்றனர். இச்சம்பவம் குறித்து உள்ளூர் போலீஸார் வழக்குப் பதிவு செய்து தீவிர விசாரணை மேற்கொண்டு வருகின்றனர்.